YouTube lançon Shorts, rivalin e TikTok për video të shkurtra

YouTube

Ndërsa fati i TikTok në SH.B.A mbetet i errët, YouTube lançoi opsionin e ri të videove të shkurtra, të quajtur YouTube Shorts.

Shorts do t’u lejojë përdoruesve të ngarkojnë video 15 sekondëshe të realizuara nga celulari. Përdoruesit mund të bashkojnë disa video klipe së bashku, t’i regjistrojnë me muzikë në sfond apo të ndryshojnë edhe shpejtësinë e tyre të luajtjes.

Këto janë mënyra të zakonshme për regjistrimin e videove në TikTok dhe janë të njëjtat karakteristika që Instagram po përdor për rivalin e TikTok, të njohur si Reels.

YouTube thotë se Shorts do të lançohet fillimisht në Indi, ku tregu është i madh dhe TikTok është tashmë i ndaluar. YouTube synon që me kalimin e kohës ta zgjerojë tregun, ku do të jetë i disponueshëm opsioni Shorts. Megjithatë nuk ka publikuar ende një afat kohor për zgjerimin e mëtejshëm.

Lexoni: Reels, krijimi i fundit i Instagram që sfidon TikTok

Këto video do të shfaqen në faqen kryesore të YouTube në një rresht të dedikuar për Shorts.Përdoruesit do të kenë mundësi të shikojnë videot vertikalisht, ashtu si në TikTok.

Lajmi për lançimin e YouTube Shorts vjen ndërkohë që afati i TikTok për shitjen e operacioneve në SHBA po mbaron. Microsoft ka njoftuar se nuk do të jetë blerësi dhe raportet pretendojnë se Oracle po fiton ofertën, por marrëveshja e saj nuk është strukturuar si një shitje e plotë.

Largimi i mundshëm i TikTok ka nxitur shumë platforma sociale rivale, që kërkonin të magjepsnin përdoruesit e TikTok me aplikacionin e tyre. Instagram, Snapchat dhe tani YouTube janë ndër ata që kërkojnë të fitojnë avantazh duke përdorur paqëndrueshmërinë e TikTok, për të hedhur në treg produktet e tyre me video të shkurtra.

TechCrunch

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale