Reels, krijimi i fundit i Instagram që sfidon TikTok

Video 15 sekonda të gjata me efekte video dhe këngë në sfond. Nuk është TikTok, por funksioni i ri Reels i Instagram-it, që ka hedhur kandidaturën për të qenë rivali kryesor i rrjetit social kinez. Çfarë është një Reel – Një Reel është një video 15 sekonda e gjatë.  Brenda saj mund të përfshihen efekte audio (këngë artistësh të famshëm ose regjistrime të reja) dhe video, si sloë motion ose disa sfonde të personalizuar.

Instrumentet e vëna në dispozicion nga Instagram do të jenë “të lehtë dhe do t’u japin mundësi të gjithëve që të shpalosin imagjinatën e tyre”, lexohet në komunikatën për shtyp. Si funksionon – Instrumenti i ti do të jetë në dispozicion brenda fotokamerës së Instagram-it, afër modaliteteve të tjera që përdoren për stories.

Pas realizimit të videos, do të jetë e mundur të publikohet në profilin personal për t’ia treguar të gjithë miqve. Ndër të tjera, përdoruesi mund të vendosë nëse mund ta bëjë publik për të gjithë, me shpresën për të përfunduar në vitrinën “Eksploro” të Instagram-it ku mund të bëhet virale. Sfidë për TikTok – Janë të shumta ngjashmëritë mes Instagram Reels dhe TikTok për të mos menduar se bëhet fjalë për një lëvizje të studiuar për të sfiduar rrjetin social kinez.

Kundër TikTok po bëhet një fushatë bojkoti në Shtetet e Bashkuara të Amerikës, ku presidenti Donald Trump ka dhënë një ultimatum: kompania kineze ByteDance duhet të shesë kuotat e saj brenda aplikacionit nëse nuk do të rrezikojë embargon. Edhe në të kaluarën Instagram ka zhvilluar një operacion të ngjashëm: në 2016-ën, rrjeti social në pronësi të Mark Zuckerberg ka lajmëruar krijimin e Stories, duke hyrë në konkurrencë me Snapchat dhe modalitetin e saj Memories, e përbërë nga fotografi dhe video të shkurtra që mund të shihen për vetëm 24 orë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale