New York Times ka raportuar se Facebook ka ndarë të dhënat personale me emra shumë të mëdhenj
Sipas raportit të NYT, firma të mëdha si Netflix dhe Spotify u është dhënë leje për të aksesuar të dhënat e miliona përdoruesve për një muaj.
Më shumë dëshmi kanë dhënë ish-punonjës të Facebook dhe partnerët e tij, duke zbuluar se përdoruesit e rrjetit nuk janë njoftuar asnjëherë për përdorimin e të dhënave të tyre apo t’u jetë ofruar opsioni për të refuzuar këtë ndërhyrje.
Dokumente të brendshme të Facebook tregojnë se kompania ka zhvilluar një mjet që lejonte kalimin e të dhënave nga private në publike.
Kjo ndodhte edhe kur përdoruesi kishte bllokuar ndarjen e të dhënave. Kjo leje premium është ofruar nga Facebook për më shumë se 150 kompani si pjesë e disa marrëveshjeve bilaterale që lejonin firma të ndryshme të ndërhynin në rregullat e privatësisë për përdoruesit e këtij rrjeti social.
Lexoni: Parlamenti Britanik zbulon dokumente sekrete të Facebook
Shqetësuese është numri i kompanive që kanë patur këtë akses. Sony, Microsoft, dhe Amazon janë lejuar të shohin kontaktet e përdoruesve ndërkohë që marka të tjera si Spotify, Netflix dhe Royal Bank në Canada, kishin të drejtën për të lexuar, shkruar dhe fshirë mesazhet private të përdoruesve.
Facebook bëri një marrëveshje me gjigantin rus të kërkimit Yandex. “Marrëveshjet, më të vjetrat të cilat datojnë prej vitit 2010, ishin të gjitha aktive në 2017,” raportoi The Times. “Disa ishin ende në fuqi këtë vit.”
Ky ka qenë një vit i tmerrshëm për Facebook, duke nisur me zbulimet se 87 milionë të dhëna të përdoruesve të autorizuara nga firma britanike e të dhënave Cambridge Analytica, pa pëlqimin e duhur të përdoruesit.
Lexoni: 2018, viti katastrofik për Facebook. Zuckerberg humbet miliarda dollarë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
