Ulja e TVSH-së në turizëm, nxitës i investimeve dhe krijues i vendeve të reja të punës - Business Magazine Albania

Ulja e TVSH-së në turizëm, nxitës i investimeve dhe krijues i vendeve të reja të punës


Vendimi i qeverisë shqiptare për të reduktuar Taksën e Vlerës së Shtuar për furnizimin e shërbimit të akomodimit në 6% duket se e kapi në befasi biznesin, i cili duket se i kishte humbur shpresat pasi kishte vite që lobonte për këtë kërkesë.

Në një konferencë për shtyp përfaqësues të dhomave kryesore të biznesit vlerësuan këtë nismë të qeverisë dhe punën e bërë “për të bindur” FMN-në që të mund të lehtësohej me incentiva fiskale sektori i turizmit.

Kreu i sektorit akomodues i Shoqatës Shqiptare të Turizmit (ATA), Zak Topuzi, tha se nga ky reduktim do të jenë rreth 3,900 njësi akomoduese që pritet të përfitojnë. “Ju sigurojmë se kjo masë do të sjellë ndryshim rrënjësor në ekonominë e vendit dhe do ta kthejë Shqipërinë në një destinacion konkurrues dhe do të shërbejë për të formalizuar tregun”, tha z. Topuzi.

Sipas tij, shteti grumbullon çdo vit rreth 2 mln euro nga TVSH-ja në hotele dhe kjo masë do të ndikojë në rritjen e bazës së tatimpaguesve e si rrjedhim do të shtojë edhe të ardhurat.

“Nga ana tjetër, tha z. Topuzi, do të shërbejë edhe për rritjen e investimeve në sektorin akomodues kryesisht në resorte e hotele që ofrojnë paketa të plota shërbimesh”.

Ndërsa kreu i Biznes Albania, Luan Bregasi, i cili ka ndërmarrë një investim në turizëm (në një kohë të çmendur siç e theksoi dhe vetë), tha se reduktimi i TVSH-së do të shërbejë për të përmirësuar shërbimin, si dhe për të rritur investimet. Sipas tij investitorët e huaj do të mund ta shohin Shqipërinë më me optimizëm për shkak të barrës fiskale që do të jetë e konkurrueshme me rajonin.

Për Ines Muçostepën, kryetaren e Bashkimit të Dhomave të Tregtisë dhe Industrisë më në fund u arrit një rezultat i prekshëm për një kërkesë të hershme të biznesit, që është mbështetur edhe nga Unioni.
Ndërsa, Nikolin Jaka, kreu i Dhomës së Tregtisë dhe Industrisë Tiranë tha se biznesi nuk mblidhet në tryeza vetëm për t’u ankuar ndaj masave që merrte qeveria, por edhe për ta mbështetur në vendimmarrje që përmirësojnë klimën e biznesit, nxisin investimet dhe krijojnë kushte për vende të reja pune.

Burimi: Monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0