“Mund të ketë shqetësime të Sigurisë Kombëtare në lidhje me marrëdhëniet e Google me Kinën”, tha Trump. “Nëse ka ndonjë problem, do ta kuptojmë. Unë sinqerisht shpresoj se nuk do të ketë probleme!!! “.
Ky sugjerim i paqartë duket të jetë një përgjigje e drejtpërdrejtë ndaj deklaratave të mëparshme të sipërmarrësit dhe këshilltarit të presidentit Trump, Peter Thiel, i cili sugjeroi se kompania mund të ketë qenë infiltruar nga agjentët e qeverisë kineze.
“Investitori miliarder Peter Thiel beson që Google duhet të hetohet për tradhëti. Ai e akuzon Google për bashkëpunim me Qeverinë Kineze. Një djalë i shkëlqyeshëm që e njeh këtë temë më mirë se çdokush!”, shkroi presidenti në Twitter më 16 korrik, duke theksuar se “Google duhet të hetohet për tradhti”. Ai shtoi: “Administrata do të hedhë një sy!”
Google në mënyrë të vendosur e mohoi akuzën, duke deklaruar për shtypin, “Siç edhe kemi thënë më parë, nuk punojmë me ushtrinë Kineze”.
Gjashtë minuta pas akuzës ndaj Google, ishte radha e Apple. Këtë herë, Trump theksoi shqetësimet e vazhdueshme rreth ndikimit të taksës së tij ndaj Kinës në kompanitë amerikane të teknologjisë.
“Apple nuk do të përfitojë heqje ose lehtësim të taksës për pjesët e Mac Pro, të cilat prodhohen në Kinë”- shkroi ai në Twitter. “Prodhoni ato në SHBA dhe nuk do të ketë taksë!”
Tim Cook u takua me Trump-in për të argumentuar çështjen e tij kur tarifat u njoftuan për herë të parë. Që atëherë, presidenti ka përdorur llogarinë e tij në Twitter në një përpjekje për të sqaruar vendimet e tij. “Çmimet e Apple mund të rriten për shkak të tarifave masive që ne do t’i vendosim për Kinë – por ekziston një zgjidhje e lehtë ku nuk do të kishte tatim,” shkroi ai në shtator. “Prodhoni produktet tuaja në Shtetet e Bashkuara dhe jo në Kinë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
