Themeluesi i Twitter dhe aplikacionit Square, Jack Dorsey deklaroi se do të dhurojë 1 miliard dollarë në përpjekjet për të luftuar pandeminë e koronavirusit, shifër kjo e cila përfaqëson 28% të pasurisë së tij. Ai e dha këtë lajm përmes një postimi në Twitter, duke thënë se nevojat për të përballuar këtë virus të ri janë shumë të mëdha.
Dorsey nuk e specifikoi ekzaktësisht se ku do të dërgohen këto fonde në ndihmë të luftës kundër Covid-19. Në Shtetet e Bashkuara ka një nevojë të menjëhershme për ventilatorë dhe pajisje të tjerë mjekësore mbrojtëse dhe gjithashtu mijëra persona janë duke u përballuar me gjendje të rënduar ekonomike për shkak të papunësisë.
Lexoni: Bëhuni pjesë e eventit virtual Shkodra Digital Weekend
Krijuesi i Twitter shpjegon se për këtë dhurim do të përdoren aksionet e tij në kompaninë Square, të cilat pasi të shiten do të shpërndahen përmes fondacionit “Start Small”.
“Unë shpresoj që të frymëzoj edhe të tjerët të bëjnë të njëjtën gjë”, tha Dorsey.
Themeluesi i Twitter, 43 vjeç, i bashkohet kwshtu një liste në rritje të njerwzve tw famshwm, udhëheqësve botërorë dhe teknologëve, të cilët janë duke dhuruar një pjesë të pasurisë së tyre për të luftuar përhapjen e koronavirusit dhe efektet e tij.
Themeluesi i Facebook, Mark Zuckerberg ka premtuar 30 milionë dollarë në përpjekjet për gjetjen e një ilaçi që do të luftojë këtë virus.
CEO i Amazon, Jeff Bezos ka dhuruar 100 milionë dollarë në bankat e ushqimit në Shtetet e Bashkuara për të ndihmuar personat që përballen me urinë në këto kohë të vështira.
Oprah Winfrey ka dhuruar më shumë se 10 milionë dollarë të pasurisë së saj personale për ndihmën ndaj Covid-19, ndërsa personalitete të tjera të Hollivudit, përfshirë Justin Timberlake, Dolly Parton dhe Rihanna-n, kanë dhënë gjithashtu kontribute.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
