1. Një e treta e shitjeve online po ndodh nga telefonat “inteligjentë”
Një nga zbulimet më të mëdha që përbënte lajm për 2014, ishte se një e treta e porosive për blerje online vinin nga një pajisje mobile dhe jo nga një kompjuter. Kjo shifër është 23% më shumë se ajo e vitit paraardhës 2013, dhe 12 % më e lartë nga viti 2012 në 2013.
Kjo do të thotë se vetëm në 2 vite kontributi total i telefonave në shifrat totale të shitjeve arriti kulmin me 175 %, pra gati një dyfishim.
2. E-commerce nga rrjetet sociale po rritet
Rritja e trafikut nga navigimi nëpërmjet telefonave tanë personalë, për në dyqanet online, pjesërisht po merr hov nga një tendencë tjetër: zbulimet e produkteve online të motivuara nga rrjetet sociale dhe reklamimi efektiv nëpërmjet bannerave në këto rrjete.
Nga studimi i vitit 2015, shifrat treguan se vetëm 5% e përdoruesve nga Facebook drejtoheshin në faqet e e-commerce në Pc / desktop, ndërsa kjo shifër arrinte në 7% kur kërkohej nga telefoni.
Gjtihashtu, të dhënat tregojnë se ne përdorim kompjuterat për ato lloj të mirash që kërkojnë më tepër kohë dhe kanë një proçes vendimmarrje më të gjatë, ndërsa telefonin e përdorim për ata artikuj që janë më spontanë dhe që zbulohen aty-për- aty. Këto të fundit kanë tendencë rritjeje.
Në 2014, njerëzit që përdorën mediat sociale për porositë e tyre u rritën me një shifër marramendëse prej 202%. Psh, pjesa më e madhe e shitjeve që vijnë nga rrjeti social Facebook gjenerohen nga reklamat që shfaqen në rrjet, duke shërbyer si një platformë promocionale shumë efikase.
Por jo vetëjm Facebook e bën këtë. Industri të caktuara që nuk janë të pakta në numër sigurojnë një pjesë të madhe të porosive nga platforma dytësore.
3. “Gjithmonë duke psonisur” është tashmë realitet
Njerëzit bëjnë ‘shopping’, apo psonisin, kurdoherë dhe nga kudo që u leverdis atyre. Kjo mund të jetë nga kompjuteri i punës, nga celulari i tyre, teksa udhëtojnë për në punë, ose nga shtrati ndërsa enden në ‘Facebook’. Kjo thekson se sa e rëndësishme është për tregtarët online që t’u ofrojnë konsumatorëve një eksperiencë fleksibël që u përshtatet zakoneve të tyre të blerjeve. Orari më i zakonshëm për individët për të blerë online janë ditët e javës nga ora 12 deri në orën 14 dhe të dielën gjatë mbrëmjeve.
Artikulli u ublikua më parë në faqen 43 të nr. 7 të revistës Business Magazine Albania. Për të lexuar të plotë revistën klikoni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
