Të gjithë pas Samsung. Të pakët ata që tentojnë ndryshimin
Përditësuar së fundmi: 30/08/2018

Të gjithë pas Samsung. Të pakët ata që tentojnë ndryshimin

Share
nga Jon
Gus 30, 2018

Një studim i zhvilluar nga Businessmag.al tregon se më shumë se gjysma e shqiptarëve që përdorin smartphone kanë zgjedhur Samsung.

Prej pak më shumë se 20 vitesh tashmë, qytetarët e Republikës së Shqipërisë, kanë mundësinë të përdorin telefoninë mobile, duke bërë gradualisht kështu shkëputjen nga telefonia tradicionale fikse. Madje, në vitin 2008 kompanisë “Albtelekom” iu desh të krijonte kompaninë e saj të telefonisë mobile për t’u përshtatur me ndryshimet e tregut dhe për të shmangur falimentin. Në fund të vitit 2003, mbi 1 milion shqiptarë ishin abonentë të një prej kompanive të telefonisë celulare dhe kjo shifër ka ardhur vetëm në rritje.

Dikur thjesht të kishe një celular ishte një gjë shumë e madhe. Më pas të kishe celular me ekran me ngjyra, e më pas celular me “ekran me prekje”.

Sot?! Pjesa më e madhe, madje edhe moshat mbi 60 vjeç, kanë një smartphone dhe nuk është diçka aq e madhe sa dikur.

Smartphone-ët sa vjen e janë bërë më të lirë. Sot, me jo më shumë se 300 euro mund të blesh një cilësor. Madje shumë dyqane në Shqipëri ofrojnë edhe mundësinë e blerjes me këste, e cila automatikisht rrit shitjet.

Për të krijuar një pasqyrë më të saktë të kësaj, ju sjellim rezultatet e një ankete me mbi 650 përdorues të smartphone-ve që Businessmag.al bëri muajt e fundit.

Çfarë sistemi operativ përdorni?

Android: 70.6%
iOS: 28.7%
Windows Mobile: 0.6%

Çfarë marke është smartphone i juaj?

Samsung: 55.6%
Apple 30.8%
Huawei 2.3%
Xiaomi 2.3%
HTC 0.6%
Pixel 0.2
Lenovo 0.8%
ZTE 0.4%
LG 1%
Acer 0.2%
Doogee 0.6%
Nexus 0.2
Nokia 0.6%
Microsoft 0.2%
Motorola 0.6%
Sony 1%
Marka të tjera 2.3%

A i përmbush smartphone që posedoni kërkesat dhe nevojat tuaja?

Po 74.4%
Jo 2.1%
Pjesërisht 23.5%

Mendoni të ndërroni sistemin operativ në blerjen tuaj të radhës?

Po 15.1%
Jo 63.7%
Ndoshta 21.2%

A mendoni të ndërroni markën e smartphone-it tuaj në blerjen tuaj të radhës?

Po 21.4%
Jo 55.6%
Ndoshta 23.1%

Sa keni shpenzuar për blerjen e smartphone-it tuaj aktual?

Deri në 20.000 lekë 21.4%
Deri në 30.000 lekë 23.1%
Deri në 40.000 lekë 13.8%
Deri në 50.000 lekë 8.4%
Deri në 60.000 lekë 5.5%
Deri në 70.000 lekë 7.1%
Deri në 80.000 lekë 4%
Mbi 80.000 lekë 16.8%

Çfarë vlere preferoni të paguani për blerjen e smartphone-it tuaj të ri?

Deri në 20.000 lekë 11.3%
Deri në 30.000 lekë 21.2%
Deri në 40.000 lekë 15.9%
Deri në 50.000 lekë 14.7%
Deri në 60.000 lekë 9.2%
Deri në 70.000 lekë 9.2%
Deri në 80.000 lekë 6.3%
Mbi 80.000 lekë 12.2%