Përdorimi i mediave sociale është rritur që prej vitit të kaluar ku gati dy në pesë fëmijë përdorin shërbimin e mesazheve WhatsApp, pavarësisht moshës minimale prej 13 vjeç.
Rregullatori i komunikimit ka paralajmëruar se zbatimi i rregullave nga prindërit po vjen duke u zvogëluar. Ai gjithashtu theksoi se shifrat duhet të jenë një thirrje zgjimi për industrinë që të bëjë më shumë për të mbrojtur fëmijët.
Në studimin e tij vjetor të marrëdhënieve të fëmijëve me median dhe botën online, Ofcom deklaroi se përqindja e fëmijëve të moshës 5-7 vjeç që përdornin shërbimet e mesazheve ishte rritur nga 59% në 65%.
Numri në mediat sociale u rrit nga 30% në 38%, ndërsa për transmetimet live u rrit nga 39% në 50%. Pak më shumë se 40% raportohet se luajnë lojëra në internet, nga 34% një vit më parë.
Mbi gjysma e fëmijëve nën 13 vjeç përdorën mediat sociale, në kundërshtim me shumicën e rregullave të platformave të mëdha, dhe shumë pranuan se gënjejnë për të pasur akses në aplikacione dhe shërbime të reja.
“Unë mendoj se kjo është një thirrje zgjimi për industrinë. Ata duhet të marrin parasysh përdoruesit që kanë, jo përdoruesit që termat dhe kushtet e tyre thonë se kanë”, tha Mark Bunting, nga Grupi i Sigurisë Online i Ofcom.
“Ne e dimë për një kohë të gjatë që fëmijët, nën kufirin e moshës në shumë prej aplikacioneve më të njohura, po i përdorin gjerësisht ato aplikacione dhe kompanitë tani janë nën një detyrim ligjor për të ndërmarrë hapa për t’i mbajtur ata fëmijë të sigurt”, shtoi ai.
Disa aktivistë kanë shprehur revolten se duan që kufijtë e moshës të vendosen për përdorimin e smartfonëve dhe ato ekzistuese të shtohen për mediat sociale.
Megjithatë, tashmë është rasti që shumica e telefonave të poseduar nga fëmijët ka të ngjarë të jenë siguruar nga prindërit, pasi nën 18-vjeç askush nuk mund të nënshkruajnë kontrata, dhe shumica e operatorëve nuk shesin telefona me pagesë nën 16-vjeç.
Shumë prindër u japin fëmijëve telefona sepse duan të jenë në gjendje t’i kontaktojnë ose t’i gjurmojnë përmes celularit të tyre.
Vetëm një e treta e prindërve e dinë kërkesën e duhur për moshën minimale për shumicën e platformave të mediave sociale. Por, ata janë gjithashtu më pak të gatshëm për të zbatuar rregullat që dinë. Sipas një studimi tre në dhjetë prindër ishin të gatshëm të lejonin një fëmijë të moshës 5-7 vjeç të kishte një profil në rrjetet sociale edhe nëse ishte nën moshën minimale të lejuar për aplikacionet, një rritje kjo në krahasim me vitin e kaluar. Raporti thekson se prindërit mund të jenë “të dorëhequr” për të mos qenë në gjendje të kontrollojnë jetën e fëmijëve në internet,
Zoti Bunting tha se kishte disa rezerva për prindërit rreth kësaj çështje:
“Mund të mos bëhet fjalë për parandalimin e përdorimit të plotë për fëmijët nën 13 vjeç, gjë që mendoj se është shumë e vështirë në shoqërinë e sotme. Por, prindërit mund të flasin me fëmijët e tyre për përdorimin e sigurtë të këtyre shërbimeve. Dhe ne do t’i inkurajonim ata ta bëjnë këtë” .
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
