Sukses përtej Antlantikut, Ravajol Hasani krijon menutë e dy restoranteve në New York - Business Magazine Albania

Sukses përtej Antlantikut, Ravajol Hasani krijon menutë e dy restoranteve në New York

Ravajol Hasani

Ravajoli gjatë një interviste për BusinessMag tregon se karriera e tij e mbushur me angazhime, sakrificë dhe shumë përkushtim gjatë 20 viteve të fundit, i është shpërblyer, pasi sot ai është vlerësuar me 10 çmime ndërkombëtare në fushën e gastronomisë botërore.

Në vitin 2019 ai u vlerësua me çmimin Ambasador i Gastronomisë, ndërsa së fundi u vlerësua me çmimin platinium për 2022. Gjithashtu, ai është renditur në listën e 150 shefave më të mirë në botë për 2022.

Ai tregon se në dy muajt e fundit është angazhuar me projektet më të rëndësishme në jetën e tij dhe me karrierën në rangun botëror, ku dhe momentalisht ndodhet përtej Antlantikun, në Tokën e premtuar.

Ravajoli ka shkuar në New York ku ka krijuar menutë për dy restorante atje dhe pritet të kalojë shumë kohë midis SHBA dhe Europës.

Lexoni: Ravajol Hasani, mes 150 shefave më të mirë të kulinarisë në botë, merr të drejtën të certifikojë brezin e ri të kuzhinierëve

Gjatë fundit të këtij muaji ai do të jetë i ftuar në Stuttgart të Gjermanisë, ku do të jetë në një mbrëmje gala mes njerëz të rëndësishëm të fushës së biznesit, ekranit, modës dhe muzikës, si dhe do t’i jepet çmimi si Chef Konsulent botëror më i suksesshëm për vitin 2022 mes 150 shefave botërorë.

Ravajoli tregon se nuk është një pjatë e caktuar që i ka dhënë më shumë famën se të tjerat, por një kombinim i detajeve, krijimtarisë, zgjedhjeve, përkushtimit si dhe pasionit, identitetit, filozofisë dhe kulturës që ai ka për punën.

Kam punuar shumë që të ndryshoj mentalitetin e ushqimit, si të ushqehemi më shëndetshëm, si të përpunojmë erëzat, bimët, fuqinë që na japin produktet e tokës, si të largohemi nga produktet me përpunim indrustrial, nga sheqeri dhe si mund të përdorim frutat apo vlerat e perimeve.”

Ravajoli ka punuar edhe me disa projekte në Shqipëri dhe Kosovë, dhe thotë se vendi i tij është gjithmonë në planet e tij të ardhshme.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0