Ravajol Hasani, mes 150 shefave më të mirë të kulinarisë në botë, merr të drejtën të certifikojë brezin e ri të kuzhinierëve - Business Magazine Albania

Ravajol Hasani, mes 150 shefave më të mirë të kulinarisë në botë, merr të drejtën të certifikojë brezin e ri të kuzhinierëve

kuzhinierëve

Ndonëse këto dy vite kanë qenë  shumë të vështira për shkak të pandemisë së Covid-19 dhe izolimit, Ravajol Hasani, ambasadori i kulinarisë shqiptare në botë, nuk u ndal, por punoi më fort duke qenë pjesë e projekteve dhe u vlerësua me çmime të ndryshme botërore në fushën e gastronomisë.

Në një prononcim për BusinessMag ai u shpreh se 2021 u mbyll me shumë angazhime dhe qe një vit i veçantë për të, pasi u vlerësua përsëri si Ambasador i Kulinarisë për 2021 nga Parisi mes 170 vendeve botërore.

“Pas fokusimit që kisha në guidat botërore të gastronomisë më dhanë të drejtën të certifikoj brezin e ri të kuzhinierëve,” thotë Ravajoli.

Ndër projektet që ai ka realizuar kanë qenë në Shqipëri dhe në Kosovë. Ai ka realizuar të gjithë menunë e Grand Blue Fafa në Durrës, Germany Hotel, Cotto Restorant në Ferizaj të Kosovës, Gastroteka Repiublika në Gjakovë, si edhe për një nga hotelet më luksoze në Kosovë, Astoria Luxury and Spa në Gjilan.

Zyrën dhe skuadrën e tij e ka në Qipro, ku dhe jeton, por kjo nuk e pengon që të zhvillojë projekte dhe krijime të reja në çdo cep të botës, në Europë, Azi dhe Amerikë. Aktualisht ai ndodhet në New York, ku është angazhuar me krijimin dhe realizimin e menusë së 2 restoranteve me identitet italian.

Çdo vit Ravajoli ka marrë mbi 10 çmime ndërkombëtare, por këtë vit ai e konsideron si më të suksesshëm, pasi është renditur në top listën e gastronomisë botërore, si ambassador kulinarie për 2021 dhe është vlerësuar si një nga 150 shefat më të mirë në botë.

Nuk mungon as këshilla që ai i jep çdo të riu me ëndrra të mëdha, “Mos u bëni kopje e asnjë modeli të suksesshëm, realizojini ëndrrat tuaja dhe shijoni suksesin që vjen pas punës dhe përpjekjeve që bëni.”

Lexoni edhe: Ravajol, Ambasadori chef i Shqipërisë në botë vjen në Tiranë

Ravajol Hasani, ambasadori i kulinarisë shqiptare në botë, vjen me projektin e tij të parë në Shqipëri

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0