Hormonia Hotels Group planifikon të hapë një hotel të ri në qytetin e Durrësit dhe restorantet që do të jenë pjesë të tij, do të kenë si Chief Executive për ushqimin shqiptarin, Ravajol Hasani.
Në ditët në vazhdim partneri i tij, Christos Sokolis do të vijë në Shqipëri të bëjë mbylljet e fundit në lidhje me projektin.
Ravajoli do të jetë personi që do të krijojë menunë e restorantit. Menuja pritet të jetë në standardet më të larta të gastronomisë, ashtu siç jemi mësuar të shohim nga Ravajoli. Ushqimi do të orientohet drejt kuzhinës moderne, një ndërthurje e kuzhinës së Perusë dhe asaj Japoneze, gjë që sipas Ravajolit do t’i sjellë Shqipërisë një përparësi në gastronomi.
Ky lloj stili është duke u përhapur në Europë dhe Ravajoli po e sjell në Shqipëri, i pari i këtij lloji deri më tani.
Brenda 6 muajve do të nisi projekti dhe verën e ardhshme restoranti do të jetë i hapur për publikun shqiptar.
Kjo është hera e parë që Ravajol Hasani vjen me një projekt të tijin në Shqipëri dhe në një intervistë për BusinessMag ai thotë se nuk do të jetë i fundit. Projekte të tjera të lidhura me gastronominë do të pasojnë këtë projekt.
Qëllimi i tij është që Shqipëria të njihet në Europë dhe botë për gastronominë dhe risitë që do të sjellë menuja, e cila do të krijohet nga ai.
Në Tetor të këtij viti Ravajoli do të vijë në Shqipëri për të organizuar një event në qytetin e Durrësit dhe do të japë më shumë detaje për këtë bashkëpunim me Harmonia Hotels Group.
Ai është vlerësuar me disa çmime si ‘Luga e Argjendë’, ‘Kapela e Artë’ dhe ‘Shefi më i mirë i kuzhinës për vitin 2016’. Është mbasador i Jamie Oliver në Shqipëri, ambasador i Shqipërisë në Qipro në fushën e gastronomisë si dhe së fundmi ambasador chef i Shqipërisë në botë.
Lexoni: Ravajol, Ambasadori chef i Shqipërisë në botë vjen në Tiranë
Në Greqi dhe Qipro ai është chef executive i restorantit Margharita pizza artigianale, i cili është vlerësuar si një nga 100 restorantet më të mirë në botë, si dhe për 4 vjet rresht restoranti më i mirë për Comfort Food.
CEO i Margharita pizza artigianale është Christos Sokolis si dhe heat pizzaiolo i riu i talentuar Temi Kosova.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
