“UNIque Junior Enteprise” do të organizojë për të pestin vit rradhazi kompeticionin e ideve inovative të biznesit nga të rinjtë Startup Live Tirana, konkursit me format ndërkombëtar mbi promovimin e të rinjve dhe planeve të tyre të biznesit në fushën e teknologjisë dhe jo vetëm. Startup Live Tirana do te organizohet në datat 20-22 Maj 2016, ne Godinёn “Liria”, gjatё Javёs së Inovacionit me mbështetjen e Ministrisë së Inovacionit, Bashkisë Tiranë, Universitetit të Tiranës, Protik, Albanian Innovation Accelerator etj.
Ftohen studentë dhe të rinj me aftësi në programim, design, shitje&marketing, financë apo menaxhim që duan të marrin ndihmën e nevojshme në hapat e tyre të parë si sipërmarrës të suksesshëm. Startup Live mbledh të rinj të profileve të ndryshme të cilët bashkojnë energjitë e tyre, ndahen në grupe dhe marrin feedback-un e nevojshëm nga mentorët profesionistë vendas dhe të huaj për të prezantuar idenë e biznesit. Ky aktivitet përmbush kërkesat dhe dëshirat e të rinjve të cilët përbëjnë sipërmarrësit dhe biznesmenët potencialë të së ardhmes.
Në Startup Live Tirana pjesëmarrësit ndahen në 2 kategori: të rinj që kanë një ide e dëshirojnë ta zhvillojnë atë më shumë për një prezantim sa më të mirë final dhe të rinj që nuk kanë një ide biznesi por janë të gatshëm të vënë në dispozicion njohuritë e tyre për t’u bërë pjesë e një grupi dhe për të bashkëpunuar në të.
Aktiviteti do të zhvillohet sipas skedulit të mëposhtëm:
Dita 1: Regjistrimi i pjesёmarrësve, krijimi i grupeve, njohja me njëri-tjetrin
Dita 2: Zhvillimi i trajnimit dhe prezantimi paraprak i ideve/projekteve të biznesit
Dita 3: Prezantimi final dhe përcaktimi i fituesve
Grupet më të mira do të vlerësohen me çmime në vlerë monetare, por edhe me mundësinë për të patur mentorim dhe mjedis fizik 3-6 muaj për biznesin e tyre pas eventit nëpërmjet bashkëpunimit tonë me disa nga Inkubatorët dhe Programet e Akselerimit në Shqipëri.
Për më shumë info: www.startuplive.in/tirana
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
