Nuk duhet të çuditemi me potencialin e madh që kanë shqiptarët për të krijuar dhe zhvilluar startup-e të suksesshme, që njihen dhe ofrojnë shërbimet e produktet e tyre kudo në botë. Madje këtë potencial e kanë parë dhe nuk e kanë lënë t’u ikë edhe shumë firma investimi, të cilat pa ngurruar kanë besuar dhe kanë investuar tek këto startup-e.
Këtë listë me startup-et dhe themeluesit përkatës e ka publikuar në faqen e tij të facebook, Z. Alejtin Berisha, një sipëmarmarës serial nga Kosova, themeluesi i shkollave finlandeze ndërkombëtare dhe shkollave finlandeze International Online International, dhe BusinessMag po e sjell tek të gjithë lexuesit e tij.
Startup-e të themeluar nga shqiptarë, kryesisht të Kosovës, të cilët brenda 2-3 viteve do të bëhen unicorns, kompani me vlerë 1 miliard dollarë:
1. Fresha, e themeluear nga Labinot Zeqiri, ka marrë 152 milionë dollarë investim në Series C me vlerësim 640 milionë dollarë. Unicorn i parë shqiptar, brenda këtij viti.
BusinessMag ka shkruar për këtë startup: Fresha, startup-i nga shqiptari William Zeqiri, mbledh 100 milionë dollarë financime për platformën e saj të rezervimit të takimeve
2. Slice, themeluar nga Ilir Sela, ka marrë 100 milionë dollarë investime në total dhe ka një ekip me mbi 650 të punësuar (kryesisht shqiptarë) në Maqedoninë e Veriut.
Slice, themeluar nga Ilir Sela, i gatshëm për të punësuar në të gjithë Ballkanin
3. ArchiPro, themeluar nga Milot Zeqiri, ka marrë 35 milionë dollarë investim në Series A nga #TigerGlobalManagement, një nga firmat më të rëndësishme të investimit në botë (ka investuar edhe në Facebook, Spotify, Alibaba, Stripe, Quora etj).
4. Tive, themeluar nga Krenar Komoni, ka marrë 54 milionë dollarë investim në Series B. Ka zyrë me mbi 80 të punuësuar në Prishtinë.
5. ButlerHospitality, themeluar nga Premtim Gjonbalic, ka marrë 55 milionë dollarë investim në Series A dhe B. Ka zyrë me mbi 70 të punësuar në Prishtinë.
6. HELLOSolaborate, themeluar nga Labinot Bytyqi, ka ngritur mbi 12 milionë dollarë investime ndërsa pajisja Hello Healthcare gjendet në mbi 10,000 dhoma të pacientëve kudo në botë në partneritet me gjigantët e industrisë së shëndetësisë. Ka zyrë në Prishtinë me mbi 100 të punësuar.
Projekti i suksesshëm HELLO, shpallet Inovacioni i Vitit nga ICT Awards
7. Twig, themeluar nga Geri Cupi, ka marrë 35 milionë dollarë investime në Series A. Ka zyrë me rreth 30 punëtorë në Prishtinë.
Edicioni i 10-të jubilar i ICT Awards! Një dekadë arritjesh shqiptare në teknologji dhe inovacion
8. Radix, themeluar nga Blerim Zeqiri, megjithese nuk kanë marrë ndonjë investim, kanë rritje shumë të shpejtë dhe punësojnë mbi 60 persona vetëm në Prishtinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
