Agjencia ndërkombëtare e vlerësimit Standard & Poor’s (S&P) ka konfirmuar në rishikimin e saj të fundit se Shqipëria mban vlerësimin aktual në “B+” si dhe me perspektivë “të qëndrueshme”.
Sipas Ministrisë së FInancave, agjencia vlereson se, rritja reale do të mbetet solide gjatë viteve të ardhshme, mesatarisht 3.5-4.3%, e mbështetur fort nga konsumi i familjeve, investimet në infrastrukturë dhe ringritja në turizëm.
Sipas kësaj agjensie, deficiti fiskal do të ulet në periudhën afatmesme, duke sjellë si rezultat rënie të borxhit të qeverisë në raport me PBB-në.
Presioni i jashtëm do të jetë i menaxhueshëm, sipas S&P, nisur nga rezervat e larta valutore të vendit dhe borxhi i jashtëm. Për këtë ajo bazohet në pritshmërinë e rritjes ekonomike të Shqipërisë, regjimin relativisht fleksibël të kursit të këmbimit dhe rezervat e forta valutore.
Megjithëse, Agjensia vlerëson se konsolidimi fiskal mund të ngadalësohet.
Agjensia vlerëson se rimëkëmbja ekonomike e Shqipërisë në vitin 2021 ishte jashtëzakonisht e fortë dhe pret që ritmet reale të rritjes për këtë vit të jenë 8.5-9.0 % në terma realë.
Lexo: Të shpresojmë që 2022 do të jetë një vit më i mbarë për ekonominë
Ndërkohë, duke pasur parasysh normën e ulët të kursimeve në ekonomi, agjensia beson se reformat e duhura në përmirësimin e klimës së biznesit dhe tërheqjen e flukseve hyrëse të investimeve të huaja do të jenë kritike që Shqipëria të mbajë një ritëm më të lartë të konvergjencës së të ardhurave me homologët e rajonit dhe me eurozonën.
Agjensia konstaton se, krahas përpjekjeve për të forcuar balancën fiskale, autoritetet po vijojnë në mënyrë aktive përpjekjet për të përmirësuar profilin e borxhit publik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
