Si të punësoni autorin perfekt për blogun tuaj?

Si të punësoni autorin perfekt për blogun tuaj?


Të gjeni një autor për artikujt e blogut tuaj mund të jetë e vështirë, pavarësisht faktit se ka shumë freelancer (gazetarë të pavarur) që janë gati dhe të vullnetshëm të shkruajnë artikuj për ju. Ky mund të jetë një proçes i rekrutimit të këtyre autorëve për blogje:

1. Kuptoni atë që ju duhet

Gjëja e parë për të cilën keni nevojë është të përcaktoni për çfarë ju duhet pikërisht një shkrimtar. Për një blog, keni esencialisht dy opsione, një kontribues të rregullt me emrin e tij/saj, ose një shkrimtar anonim që ju “shet” artikujt. Të gjeni një autor anonim është shumë herë më e lehtë dhe normalisht më e besueshme. Dikush që do t’ju “huazojë” emrin e tij/saj për blogun tuaj përgjithësisht ka nevojë për njohje në publik, që do të thotë se ka gjasa se për shkak të obligimeve të tyre mund të mos kenë kohën për t’jua dedikuar juve aq sa do të donit ju.

Ata mund të kenë gjithashtu një çmim më të lartë nga ajo që jeni të gatshëm ju të paguani. Duke qenë se një autor anonim është më lehtë për t’u gjetur, më lirë që të punojë me ju dhe ka më shumë përfitime për brandin tuaj personal, besoj se pjesa më e madhe prej jush po kërkojnë për një ose dy të tillë para se të kërkojnë për kontribuesë profesionistë.

2. Lokalizoni autorët potencialë

Pra, ku mund t’i gjeni autorët e lirë për të shkruar në mënyrë anonime për ju? Keni disa opsione:

• Nxirrni një njoftim në Craiglist, në website-in tuaj ose në ndonjë faqe tjetër të kategorizuar;
• Shkoni në faqe si Textbroker, Writer Access, Zerys ose Constant Content;
• Shkoni te komunitetet e autorëve ose industria e forumeve ku shkruesë potencialë mund të kontribuojnë.

Me opsionin e parë, tendenca është të merrni shumë aplikime të një cilësie të ulët. Nuk ka metoda për feedback, kështuqë nuk i kushton ndonjë gjë një autori të shkruajë diçka “të shpëlarë” ose pa cilësi me shpresë se do të bëjë pak para.

Me opsionin e dytë, do të merrni shumë artikuj, por autorët kanë nxitjen të përformojnë mirë, pasi ndikon paraqitjen e tyre në faqe. Megjithatë, kur gjeni një shkrimtar që ju pëlqen, duhet të jeni të kujdesshëm me rekrutimin e tyre jashtë platformës. Disa platforma si Textbroker do t’ju mbikqyrin plotësisht nëse tentoni të kërkoni ose të merrni informacione kontakti. Gjithashtu, ju duhet edhe të paguani për përmbajtjet që merrni.

Opsioni i tretë është më shumë si një komunikim personal dhe do t’ju lejojë të zgjidhni dhe të intervistoni autorë potencialë para se t’i merrni në punë. Është falas, vetëm nëse komuniteti ka tarifë anëtarësimi, por nuk keni garanci se do të gjeni një autor për blogun tuaj.

3. Testoni dhe merrni në punë

Ju rekomandoj t’i përdorni të treja metodat, me një buxhet të moderuar për opsionin e dytë, për të marrë shumë aplikime. Disa nga këto materiale do të jenë të papërdorshme, sigurisht. Disa prej tyre mund të kenë një përmbajtje të qëndrueshme, të cilat mund t’i përdorni, por mund të mos i përshtaten qëllimit tuaj. Vëzhgojini këta autorë dhe kërkojuni atyre të ndryshojnë tematikën e materialeve që shkruajnë. Kur ta kuptojnë këtë, atëherë mund të jenë të përshtatshëm.

Në thelb, ajo që po bëni është testimi i një grupi autorësh për të parë se cili është më i përshtatshëm dhe cili adaptohet më mirë ndaj standardeve tuaja. Më pas do ta zvogëloni listën deri sa të gjeni kandidatin perfekt ose një pjesë të dobishme të tyre që ia vlen të mbahen.

Në momentin që keni zgjedhur një autor, ju duhet të përcaktoni termat e kontratës. Autori duhet të paguhet në kohë për punën e tij, ai duhet të dorëzojë punën e vet brenda afatit, ai është një kontraktor i pavarur dhe të dyja palët kanë të drejtë të mbyllin kontratën etj. Një kontratë është shumë e rëndësishme, edhe për qetësinë mendore edhe për rastet eventuale të mosmarrëveshjeve.

Në momentin që nënshkruani një kontratë, jeni në rregull. Idealja është kur marrëdhënia juaj rritet dhe lulëzon dhe autorët bëhen pjesë e rëndësishme e biznesit tuaj. Nëse për ndonjë arsye nuk funksionon kjo metodë, ekziston gjithmonë alternativa e dytë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0