Si të motivoni ekipin tuaj në kohë të vështira?


Ekspertët parashikuan se Gjermania do të fitonte ndeshjen në fazën e grupeve në Kupën e Botës 2018 me Meksikën. Në fund të fundit, skuadra kombëtare gjermane e futbollit u rendit e para, fitoi Kupën e Botës herën e fundit dhe është e dyta pas Brazilit që ka fituar më shumë tituj.

Megjithatë Meksika në 90 minuta ndeshje mposhti Gjermaninë, 1-0.

Lexoni: Teknika e përdorur nga trajneri i Anglisë që çoi ekipin në Kupën e Botës, të cilën mund ta përdorësh edhe ti

Dhe përgjatë rrugës, trajneri i Meksikës, Juan Carlos Osorio, ofroi këto këshillë për çdo udhëheqës, i cili kërkon të frymëzojë ekipin e tij në situatat sfiduese:

  1. Vendosni një strategji, sigurohuni që secili anëtar i ekipit të kuptojë se çfarë të bëjë dhe pastaj qëndrojini planit tuaj. Siç shkroi Rory Smith në The New York Times, “Për gjashtë muaj, Osorio punoi një plan vetëm për këtë lojë. Ai e dinte saktësisht se çfarë donte të bënte, e dinte saktësisht se si Meksika mund të mundte Gjermaninë.”
  2. Mos jini konservator vetëm, sepse konkurrenca është e vështirë. Andrew Keh në Times ka shkruar: “Meksika do të kishte pak arsye për t’u shqetësuar nëse do të luante në mënyrë konservatore.” Por Osorio njoftoi qëllimet e tij haptazi në një konferencë për shtyp natën para ndeshjes. “Ne nuk do të ndryshojmë mënyrën se si luajmë. Ne kemi stilin tonë në ekipin kombëtar meksikan dhe do të vazhdojmë me të.”
  3. Inkurajoni anëtarët e ekipit të luajnë sikur do të fitojnë, edhe kur shanset janë kundër tyre. Osorio i tha ekipit të tij “luani për dashurinë ndaj fitores, jo për frikën ndaj humbjes.”
  4. Punoni me pikat e forta të çdo anëtari të ekipit. Osorio i drejtoi lojtarët e tij të talentuar që të punonin në gjërat që ata bënin më së miri. Për shembull Osorio vendosi Miguel Layun, të Sevillas, si një mesfushor sulmues, duke e udhëzuar atë që të niste kundërsulmet e shpejta në mënyrë që të mund të ekspozonte mbrojtjen e Gjermanisë.”
  5. Jepni më të mirën tuaj dhe kërkoni nga anëtarët e ekipit që të bëjnë më të mirën e tyre.

Lexoni: Përse ju duhet një ekip për të qenë të sukesshëm?

Sulmuesi Javier Hernandez tha, “Ne duhet vetëm t’i bindemi urdhrave të tij. Nëse ai na thotë:” Hidhuni me kokë për të ndalur topin, “ne do ta bëjmë atë, sepse ne jemi me të”.

/INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale