Si të krijoni një broshurë në Google Docs për punët tuaja? - Business Magazine Albania

Si të krijoni një broshurë në Google Docs për punët tuaja?


Për shumë njerëz, Google Docs mund të jetë një mjet i paçmuar pune: Mund të krijoni dokumente që ndahen lehtësisht në mediat sociale dhe madje ofrohen disa templates për t’ju ndihmuar të formatoni punën tuaj në mënyra të reja.

Lexoni: Disa nga mjetet e ofruara nga Google për web master dhe web marketer

Një shembull i dobishëm i këtyre templateve: Broshurat.

Megjithatë, është e rëndësishme të theksohet se broshurat e modeluara në Google Docs janë vendosur në formatin vertikal (në vend të formatit horizontal që mund të prisni, edhe pse ato mund të ndryshohen nëse kjo është ajo që ju kërkoni).

Me këtë në mendje, BusinessMag ju shpjegon në këtë artikull mënyrën se si të krijoni dhe personalizoni një broshurë duke përdorur një template të Google Docs:

Si të krijoni një broshurë në Google Docs?

1. Shkoni tek docs.google.com. (Shënim: Shkurtesa “docs.new” nuk do të funksionojë për këtë. Ju duhet të shkoni në faqen kryesore të docs.)
2. Klikoni “Template Gallery” (nëse nuk e shihni, duhet së pari të klikoni tre linjat e vendosura në këndin e sipërm të majtë) dhe gjeni seksionin “Work”.
3. Zgjidhni template që dëshironi të përdorni për broshurën tuaj.
4. Redaktoni dhe zëvendësoni tekstin dhe imazhet sipas nevojave tuaja.
5. Ndani broshurat tuaja sipas nevojës, ashtu siç ndani ndonjë skedar të Google Docs.

Lexoni: Mjetet e Google që ju ndihmojnë të bëheni një menaxher i mirë

Ju mund të riemërtoni dokumentin (duke klikuar në kutinë në këndin e sipërm të majtë të ekranit) ose ndryshoni vendodhjen e dokumentit duke klikuar ikonën “Move to …” në të djathtë të emrit të dokumentit.

Në këtë mënyrë, broshura juaj e re do të gjendet lehtësisht në mesin e dokumenteve tuaja të tjera (edhe pse funksioni i kërkimit në docs.google.com funksionon mirë, me kusht që të mbani mend një pjesë të emrit të dokumentit ose koncepteve kryesore të përfshira në të.)

Si të rregulloni një template broshure në Google Docs?

Templatet e Google Doc janë udhëzues dhe ju mund të modifikoni dhe rimiksoni tempaltet e ndryshëm sa herë që dëshironi.

Nëse, për shembull, kërkoni një broshurë më tradicionale, thjesht krijoni broshurën tuaj duke përdorur udhëzimet e mësipërme dhe pastaj përshtateni me hapat e mëposhtëm:

1. Klikoni “File” nga shiriti i menusë, pastaj klikoni “Page Setup”.
2. Zgjidhni orientimin tuaj të dëshiruar të faqes nga dritarja popup (“Landscape” për formatin horizontal).
3. Për të shtuar kolona të shumta në broshurën tuaj, klikoni “Format” dhe më pas “Columns” për të zgjedhur një konfigurim me dy ose tre kolona.
4. Do të keni mundësinë të bëni rregullime në template tuaj, si modifikimi i tekstit ose grafika në lëvizje, në mënyrë që çdo element të duket mirë.

Lexoni: Google mbyll Google+. Ja cilat janë dhe 17 produktet e tjera që nuk ekzistojnë më

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0