Peter Thiel, një nga themeluesit e PayPal dhe investitori i parë i jashtëm në Facebook, ka bërë të ditur se nuk i pëlqen që fëmijët e tij të kalojnë shumë kohë para ekraneve.
Ai është pyetur lidhur me njoftimin e fundit nga kirurgu amerikan Vivek Murthy, i cili propozoi që platformat e mediave sociale të paralajmërojnë për rreziqet që ato paraqesin për shëndetin e fëmijëve.
Meta, kompania mëmë e Facebook, po përballet me një padi nga 33 shtete që akuzon Facebook dhe Instagram për dëmtimin e shëndetit mendor të të rinjve.
Thiel ka thënë se i lejon fëmijëve të tij vetëm një orë e gjysmë në javë para ekranit. Fëmijët e Thiel janë të vegjël – 3 dhe 5 vjeç – kështu që ky kufi duket i arsyeshëm. Megjithatë, fëmijët po fillojnë të përdorin internetin në mosha gjithnjë e më të reja, duke shkaktuar shqetësime për rritjen e një brezi të “fëmijëve iPad”.
Lexo:Reagon Bill Gates, ja deklarata e habitshme e tij
Thiel nuk është udhëheqësi i parë i teknologjisë që pranon se kufizon kohën e ekranit për fëmijët e tij. CEO i Snapchat, Evan Spiegel, gjithashtu kufizon kohën e ekranit të 8-vjeçarit të tij në një orë e gjysmë në javë. Po ashtu, shefi ekzekutiv i Google, Sundar Pichai, ka thënë më parë se nuk i dha celular djalit të tij në shkollën e mesme dhe se televizorët në shtëpinë e tij janë të kyçur për të kufizuar qasjen e lehtë në shikimin e televizorit.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
