Si kompania prej 20 milionë dollarë po ndryshon botën e reklamave?


Kjo kompani po ndihmon reklamuesit të arrijnë konsumatorët e tyre edhe kur ata nuk janë në telefon apo kompjuter.

Pas shitjes së kompanisë së tij ad-display në Google për 81 milionë dollarë në vitin 2010, Michael Provenzano donte të gjente një mënyrë për të bindur kompanitë që mund të përfitonin nga reklamat jashtë internetit. Si? Për të sjellë botën online – me përditësimet në kohë reale dhe elementët e duhur – në botën jashtë internetit, duke përdorur të dhënat e vendndodhjes nga telefonat celularë. – thotë Lauren Aratani

reklamave
Michael Provenzano bashkë-themelues i Vistar Media

“Kishte shumë luhatje kur ne nisëm me Vistar Media në vitin 2011. Shumë kompani kishin premtuar të sillnin teknologjinë e reklamimit jashtë televizorit me anë të posterave të vendosura në metro apo autobusa, pra në thelb në çdo gjë që shihni kur jeni jashtë shtëpisë tuaj. Duhet thënë që shumica e reklamuesve nuk u besonin këtyre dhe shumë prej tyre falimentuan. Mendoj se ata e nisën shumë herët dhe nuk kishin të dhënat e duhura për të punuar në një ambient të tillë,” shprehet Michael Provenzano.

Në kompaninë time të parë, Invite Media, unë së bashku me bashkëthemeluesit e mi kishim zhvilluar një sistem ofertash për hapësirën e reklamave në banerat online. Më pëlqeu të punoja me teknologjinë dhe reklamat, por dëshiroja të shikoja nëse kishte ndonjë mundësi offline për fushën e reklamimit.

Lexoni: E mbani mend kur reklamat e makinave ishin të fokusuara tek shpejtësia?

Dixhitalizimi i reklamave jashtë shtëpisë – tabelat dixhitale, kioskat e dyqaneve dhe gjëra të tjera të ngjashme – po rriten, sepse janë më fitimprurëse. Mund të ketë tetë reklama në një tabelë dixhitale, por vetëm një në një letër. E pamë këtë mundësi dhe u kërkuam pronarëve të këtyre hapësirave të reklamave për të parë se për çfarë ata kishin nevojë. Një problem që shumë prej tyre kishin pasur ishte vështirësia e shitjes së produkteve – reklamuesit nuk besonin se “out-of-home media” mund t’i ndihmonte ata të rrisnin biznesin e tyre.

Reklamuesit në internet mund të gjurmojnë numrin e njerëzve që klikojnë në reklamën e tyre, por nuk ka asnjë mënyrë për të gjetur se si një reklamë në ekranin dixhital ndikon tek konsumatori. Kështu që ne e zhvilluam atë.

Duke përdorur të dhënat në bazë të vendodhjes së konsumatorëve të marra nga smartfonët e tyre kur ata janë jashtë shtëpive, kur bëjnë një thirrje telefonike, kur shkruajnë një mesazh apo kur përdorin internetin, ne arritëm të gjurmonim dy gjëra: ku bëjnë pazar konsumatorët dhe çfarë shikojnë ata kur kalojnë nga pika A në pikën B. Kjo jo vetëm na lejon të targetojmë konsumatorët në bazë të vendit ku ata tashmë blejnë dhe reklamat që ata shikojnë, por do të na ndihmonte gjithashtu në matjen e efektivitetit të një reklame “out-of-home”.

Deri më tani, çdo gjë shkon mirë. Ne kohët e fundit kemi bërë partneritet me Toyota dhe kemi ndihmuar në rritjen e çmimit mesatar mujor të shitjes. Gjëja më e vështirë për të qenë në këtë industri është të jesh në gjendje t’iu tregosh klientëve skeptikë se “out-of-home media” është një investim i vlefshëm.

Lexoni: Si mund t’i mbijetojnë markat uljes së reklamave në TV?

Në mënyrë të ngjashme, shumë njerëz ishin skeptikë edhe për biznesin tonë. Na thoshin të hiqnim dorë. Por ne besuam në idetë dhe bazat tona dhe e dinim se dikush në një moment kishte për të dalë me këtë teknologji. Pra, pse jo ne?

Profili i kompanisë

Kompania: Vistar Media
Renditja në INC. 5000, 2017: 248
Qendra: New York City, NY
Viti themelimit: 2011
Të ardhurat në 2016: 20.3 millionë $
Rritja në 3 vjet: 1,730%
Twitter: @vistarmedia
Faqja: vistarmedia.com

burimi: Inc.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale