Si kjo kompani e ktheu ujin, kripën dhe uthullën në një "vrasës" serioz të Covid?! - Business Magazine Albania

Si kjo kompani e ktheu ujin, kripën dhe uthullën në një “vrasës” serioz të Covid?!

kripën dhe uthullën

Force of Nature ishte gati të vinte në industrinë e pastrimit kimik në vitin 2016 me një teknologji të re, miqësore me mjedisin. Ndërsa shitjet u rritën, gjashtë muaj më vonë, një njoftim nga Agjencia e Mbrojtjes së Mjedisit (EPA) ngadalësoi rritjen e kompanisë në Westford, Massachusetts, për tre vjet. CEO Sandy Posa kishte frikë se kompania do të humbte avantazhin e saj në treg, por ndërhyrja rezultoi e rastësishme, duke e përgatitur markën për sfiduesin e saj të ardhshëm të madh: Covid-19.

Në vitin 2007, themeluesit zbuluan një startup që krijoi një produkt pastrimi industrial me ujë të elektrolizuar. Kështu që bënë bashkë një ekip për të marrë idenë e elektrolizatorit industrial dhe për ta përshtatur atë në një produkt të konsumit që mund ta shisnin për 50 dollarë, dhe kështu lindi Force of Nature.

Teknologjia nuk është e re në parim. Force of Nature përdor një elektrolizues për të kthyer ujin e rubinetit dhe kapsulat që përmbajnë ujë të kripur dhe uthull në këtë produkt të jashtëzakonshëm të quajtur ujë të elektrolizuar. Në fakt, uji i elektrolizuar ka vetëm dy përbërës: hidroksid natriumi, i cili është një pastrues, dhe acid hipoklorik, një formë e butë e klorit që dezinfekton dhe deodorizon. Nuk ka kimikate të dëmshme dhe nuk dëmton mjedisin.

Lexoni: Këta themelues 32 vjeçarë ndajnë këshillën e tyre për fillimin e një biznesi

“Ne filluam në Prill 2016 dhe infermierët blenë produktin tonë. Zyrat e kiropraktorëve e blenë atë. Prindërit filluan ta marrin produktin në vendet e tyre të punës,” thotë CEO i kompanisë.

Kur gjërat kishin filluar të ecnin mirë dhe kishin vetëm 6 muaj që kishin dalë në treg, ata morën një letër nga Agjencia për Mbrojtjen e Mjedisit ku thuhej: “Ju jeni ilegalë”. EPA është në biznesin e rregullimit të produkteve toksike. Asgjë në produktin e krijuar nuk është toksike; thjesht nuk u përshtatej rregulloreve të tyre për produktet e pastrimit. Kështu EPA thjesht arriti në përfundimin se po shkeleshin rregullat.

Si përgjigje, ata hoqën të gjitha pretendimet për produktin si dezinfektues dhe e quajtën atë një pastrues dhe një deodorizues. Shitjet vazhduan në faqen e tyre dhe përmes Amazon ndërsa kaluan procesin e miratimit të EPA për dy vjet, i cili donte kohë dhe ishte i kushtueshëm.

Kur jeni i pari në treg me një ide unike, koha është me të vërtetë e rëndësishme. Ju e dini që konkurrenca po ju gjen dhe po punon për t’ju arritur.

“Ne gjithashtu riprojektuam produktin në mënyrë që procesi i prodhimit të ujit të elektrolizuar të ofronte një funksionim më të mirë për vetëm 9 minuta. Ajo u krijua për të tërhequr vëmendjen në mediat sociale, ku ne bëmë 90% të marketingut në fazat e hershme. Një nga detyrat tona më të mëdha në shitjen e këtij produkti ishte edukimi i njerëzve për atë që bën, kështu që pak shfaqje ndihmon. Në kohën kur filluam procesin e riprojektimit, ne e dinim që ishim drejt një produkti vërtet të mirë. Ne patentuam elektrolizuesin tonë dhe regjistruam kapsulat tona në EPA (por jo pajisjen; teknikisht, agjencia e sheh ujin e kripur dhe uthullën si përbërës aktivë.) Dhe të gjitha u finalizuan në verën e vitit 2019, që është viti kur rifilluam me produktin tonë të ri. Shitjet tona në tremujorin e katërt panë pak rritje, por nuk ishin asgjë në krahasim me atë që po vinte.”

Në Mars të 2020, kur goditi pandemia, bota kimike mbaroi rezervat brenda natës. Uji i elektrolizuar vret Covid-19-dhe “Force of Nature” pati miratimin e EPA, i cili u bë një shënues i qartë për konsumatorët. Pra, ishte një avantazh i vërtetë për ta, të cilin nuk do ta kishin nëse EPA nuk do t’ua kishte patentuar në radhë të parë.

Kur njerëzit filluan të kërkojnë për pastruesit Covid në internet, ata gjetën “Force of Nature”. Shumica e referimeve erdhën përmes Google, Facebook dhe Instagram. Ekipet e tyre të SEO ishin mjaft të mira në pozicionimin e tyre.

“Ne kishim stok në magazinë dhe mund të reagonim shpejt, sepse vendosëm të mos prodhonim në Kinë. Furnizuesi që kemi zgjedhur prodhon në të gjithë botën, dhe ne zgjodhëm të përdorim objektin e tij meksikan. Ne gjithashtu mbledhim kapsulat tona të shkallës mjekësore në SHBA. Prodhimi në Amerikën e Veriut shkurtoi zinxhirin e furnizimit gjatë pandemisë.”

Lexoni: Ego është armiku kryesor i një udhëheqësi të suksesshëm

Kur kërkesa filloi të tejkalojë ofertën, ata nuk po paguanin më për të bërë reklama, por përfituan nga kërkimi organik, sepse produkti i tyre vazhdoi të rritet. Në tre muaj, u pa një rritje 10-fish dhe u deshën gjashtë javë për të menaxhuar atë kërkesë. Ata përfunduan me gjashtëfish fitim nga viti në vit.

“Duke parë prapa tani, ballafaqimi ynë i hershëm me EPA ishte një problematikë në atë kohë, por përfundimisht dha mesazhet që na duheshin për të ndihmuar njerëzit gjatë pandemisë. Sot, problemi është gjetja e kapitalit për të rritur biznesin, sepse kërkon një buxhet mjaft të madh marketingu për të edukuar njerëzit. Por ne mendojmë se ajo që po shpjegojmë është e ardhmja e industrisë së pastrimit.”

/inc.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0