Si e shikojnë fqinjët Shqipërinë? - Business Magazine Albania

Si e shikojnë fqinjët Shqipërinë?


Mundësitë që ofron Shqipëria për investitorët e huaj konsideriohen ende të pashfrytëzuara. Prezenca italiane edhe pse është e madhe, lidhet me një numër të kufizuar sektorësh.

Mirko Daidone, avokat i studios CMS Adonnino Ascoli & Cavasola Scamone në një intervistë për agjencinë e lajmeve AGP News bën një ilustrim sesi operojnë investimet italine në “vendin e shqiponjave”.

“Prezenca e sipërmarrësve italianë në Shqipëri është konkrete dhe reale, por për momentin realiteti sipërmarrës është i karakterit të mesëm dhe të vogël dhe nuk arrin dot të shërbejë si motorri kryesor për ekonominë shqiptare. Shtete, si Turqia po japin një ndikim të më fortë. Sipërmarrjet italiane janë të përqendruara kryesisht në sektorë si ai i shërbimeve ( call center, arkitekturë, inxhinieri), restorant e fason.

Sipërmarrjet italiane shfrytëzojnë në Shqipëri sistemin e taksimit dhe koston e lirë të punës” thotë av.Daidone.

Sipas tij edhe pse numri i sipërmarrjeve italiane është në rritje nuk kanë peshë të madhe.

“Bujqësia dhe turizmi mund të kthehen në sektorë me interes. Disa shoqëri italiane janë prezent tashmë në sektorin e bujqësisë, ndërsa sipërmarrës të rinj kanë hapur aktivitete në turizëm, të tipit restorante, B&B, apo të ushqimit “finger food”), ku konkurrohet me cilësinë dhe tiparet e shërbimit ‘made in Italy’’’, thotë avokati italian.

Sipas tij, projektet jashtë fushës së ushqimit dhe veshmbathjes po japin sinjale sesi mund të rritet cilësia. Ai sjell shembullin e ndikimit që po japin studiot arkitekturore italiane.

“Cilësia e shërbimit po bëhet gjithnjë e më shumë e rëndësishme, si në sektorin privat, ashtu edhe në atë publik”.

Por, cili është parashikimi për të ardhmen e investimeve italiane? Avokati Daidone thotë se bujqësia, turizmi si dhe energjia (veçanërisht ai me erë ) duhet të thithin më tepër interes.

“Investitorët italianë duhet të vijnë me ide të qarta në Shqipëri, me kapital të mjaftueshëm. Shqipëria është një vend i maturuar që iu jep mundësi atyre që duan të kenë një aktivitet serioz dhe të planifikuar me saktësi. Nuk është më vendi i përpjekjeve por i projekteve konkrete dhe reale”.

 

burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0