Shtrenjtohen prodhimet "Made in Albania", kostot e industrisë në rritje të shpejtë - Business Magazine Albania

Shtrenjtohen prodhimet “Made in Albania”, kostot e industrisë në rritje të shpejtë


Industria e rëndë dhe ajo përpunuese janë nën trysninë e kostove në rritje. Sipas të dhënave të sotme të INSTAT, Indeksi i Çmimeve të Prodhimit u rrit përkatësisht me 0,9%, në krahasim me tremujorin e katërt të vitit 2015 dhe 1,4% në krahasim me tremujorin e tretë të vitit 2016.

Në tremujorin e katërt 2016, ndryshimi vjetor i Indeksit të Çmimeve të Prodhimit është 0,9%. Rritjen më të lartë e kanë shënuar çmimet e prodhimit në seksionin “ Industri nxjerrëse” me 5,5 %. Brenda kësaj industrie, vihet re rritja e çmimeve të prodhimit të produkteve në nxjerrjen e naftës bruto dhe gazit natyror me 8,3%.

Referuar së njëjtës periudhe krahasimi, çmimet e prodhimit në aktivitetet e industrisë përpunuese kanë shënuar ulje me 0,1%. Brenda kësaj industrie vihet re ulja e çmimeve të përpunimit të tekstileve me 1,9%, prodhimi i produkteve metalike të fabrikuara me 1,7%.

Ndërsa, çmimet e prodhimit në aktivitetet e prodhimit të letrës dhe prodhimit të mobilieve kanë shënuar rritje përkatësisht 1,6% dhe 2,2%.

Krahasuar me tremujorin e katërt të vitit 2015, indeksi i çmimeve të prodhimit të produkteve vendase shënoi rritje me 1,1%.

Në tremujorin e katërt 2016, ndryshimi vjetor i Indeksit të Çmimeve të Prodhimit për eksport është 0,6%.

Çmimet e prodhimit të produkteve për eksport kanë shënuar rritje në seksionet: “Industri nxjerrëse” dhe “Industri përpunuese” përkatësisht me 1,0% dhe 0,3 %.

Në tremujorin e katërt 2016, ndryshimi tremujor i indeksit është 1,4 %. Çmimet e Prodhimit në seksionin ”Industri Nxjerrëse” shënuan rritje me 4,2 %, krahasuar me tremujorin e tretë 2016. Rritjen më të lartë e shënuan çmimet e prodhimit në aktivitetin “Nxjerrja e naftës bruto dhe gazit natyror” me 5,9 %.

Çmimet e prodhimit në seksionin “Industria përpunuese” kanë shënuar rritje me 0,8 %, krahasuar me tremujorin e mëparshëm. Brenda kësaj industrie, vihet re rritje e çmimeve të prodhimit të produkteve në aktivitetet: përpunimi i produkteve ushqimore me 0,3 %, përpunimi i tekstileve me 3,8 %, metalurgji me 3,0 %, prodhimi i lëkurës dhe produkteve prej lëkure me 0,8 %.

Indeksi i Çmimeve të Prodhimit për produktet vendase arriti 99,4 kundrejt vitit 2010, duke shënuar një rritje me 0,5 % krahasuar me tremujorin e tretë 2016. Vlen të përmendet rritja e çmimeve të prodhimit të produkteve në seksionet; “Industri Nxjerrëse” me 2,5 % dhe “Industri përpunuese” me 0,4 %.

Indeksi i Çmimeve të Eksportit arriti 102,8 duke shënuar një rritje me 2,6 %, krahasuar me tremujorin e mëparshëm. Çmimet e prodhimit të produkteve në seksionet: “Industri nxjerrëse” dhe “Industri përpunuese” kanë shënuar rritje përkatësisht me 4,8 % dhe 1,2 %.

burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0