Shoqata e E-commerce (AECA) siguron mbështetjen e donatorëve gjatë prezantimit të 12 prioriteteve
AECA zhvilloi një takim në Tiranë me donatorët në Shqipëri, të cilëve u prezantoi 12 projekte konkrete për zhvillimin e E commence në vend dhe rajon.
Një takim që synoi të identifikojë pikat e përbashkëta mes biznesit dhe donatorëve që kanë prioritet këtë fushë, rezultoi me mbështetje konkrete në disa prej pikave më të rëndëshme për industrinë.
Bëhu pjesëtar i shoqatës së E-commerce, AECA! Merr konsulencë FALAS për biznesin tënd online këtu.
Artan Gjergji, Sekretari i Përgjithshëm i Shoqatës tregoi për Businessmag.al se menjëherë pas krijimit të saj, Shoqata Shqiptare e Tregtisë Elektronike (AECA) ka nisur një tur takimesh me donatorët që kanë prioritet digjitalizimin dhe zhvillimin e tregtisë E commerce. “Arritëm të identifikonim disa pika të përbashkëta me donatorë, ndërsa nga ana tjetër identifikuam nevojat e biznesit. Ne si shoqatë synuam të përputhim nevojat e shoqatës në mikro me politikat makro të donatorëve dhe institucioneve qeveritare”, thotë Gjergji.
12 pikat kanë në fokus rritjen e ndërgjegjësimit dhe promovimin e shoqatës, krijimin e një strategjie të përbashkët zhvillimi për të gjithë pjesëtarët, grumbullimin dhe menaxhimin e të dhënave, partneriteti me institucionet publike, formalizimi i pagesat online, rritje e kapacitetit të kompanive dhe krijimi i eventeve të përbashkëta për E commerce.
Valer Pinderi, një nga themeluesit e AECA tha se, tre prej donatorëve të rëndësishëm konfirmuan mbështetjen e projekteve që në takimin e parë.
Përfaqësuesit e USAID u shprehën të gatshëm të mbështesin në zhvillimin e Partneritetin Publik Privat. Risi Albania po mbështet në krijimin e një produkti vlerësimi për sipërmarrjet në këtë fushë dhe GIZ do ta mbështesë shoqatën për krijimin e certifikatës së sigurisë dhe zhvillimin e një eventi rajonal për E commerce.
Shoqata ka vetëm dy muaj që është krijuar dhe pas takimit me donatorët, muajin e ardhshëm pritet të ketë një event të madh me bizneset . Objektivi i shoqatës është që brenda këtij viti të ketë të paktën 100 anëtarë.
Bëhu pjesëtar i shoqatës së E-commerce, AECA! Merr konsulencë FALAS për biznesin tënd online këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
