Road Trip, aplikacioni që lidh Wikipedia me vendet ku udhëtoni


Nëse je një person i fiksuar për të lundruar në Wikipedia dhe pëlqeni të mësoni për gjërat e panjohura, tashmë ka një aplikacion që do t’ju shfaqë të gjitha informacionet që ju duhen.

Zhvilluar nga Malte Ubl, aplikacioni zbulon gjeolokacionin e përdoruesit dhe përputhet me artikujt përkatës të Wikipedia. Aplikacioni pastaj lexon artikujt me zë të lartë, një lloj pasagjeri i zgjuar, i cili di gjithçka rreth historisë së qytetit ku po lëvizni (ose ecni).

Për kuriozët, programi gjithashtu lejon përdoruesit të klikojnë për të gjetur vende për të ngrënë aty pranë. Është krijuar për të funksionuar në Google Chrome, Firefox dhe shfletues të tjerë që mbështesin GPS.

Lexoni: Aktivizohet përkthimi nga makina për artikujt e Wikipedia-s edhe në gjuhën shqipe

Aplikacioni u ndërtua duke përdorur Glitch, një faqe interneti e zhvilluar nga Anil Dash vitin e kaluar që lejon koduesit të bëjnë aplikacione me madhësi të kufizuar.

Unë e krijova aplikacionin për veten time, sepse shpesh lëviz nëpër vende të ndryshme dhe mendova se do të ishte mirë të mësoja më shumë, ndërsa nuk kam asgjë më të mirë për të bërë ulur pas timonit,” tha Ubl për The Verge.

Megjithëse sistemi nuk është i përsosur sipas komenteve të postimeve fillestare në Twitter, Ubl tha se i mirëpret të gjitha sugjerimet për të rregulluar gjithçka lidhet me aplikacionin.

burimi: TheVerge

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale