Kompania prezantoi para medias, duke demonstruar formën e re të leximit të matësit në një zonë të Tiranës, e cila deri pak muaj më parë, abonentët faturoheshin afrofe.
“Jemi pikërisht në këtë zonë të Tiranë, pranë Laprakës, ku të gjithë këta banorë janë faturuar prej vitesh afrofe, madje disa nuk kishin as kontratë me OSHEE-në. Sot që flasim, këta familje, kanë matësi të rinj elektronik. Ky ishte hapi i parë drejt formalizimit të abonentëve. Hapi tjetër, po aq i rëndësishëm, është investimi i radhës së OSHEE-së në fushën e teknologjisë dhe informacionit. Prandaj, u bëj thirrje konsumatorëve të vijojnë t’i paguajë faturat e dritave, pasi çdo e ardhur për OSHEE-në do të kthehet në shërbim më cilësor për abonentët”, deklaroi për mediat, z.Klevis Jahaj, drejtori i Tiranës për OSHEE-në.
Sipas sistemit të avancuar, me PDA-të e reja mundësohet leximi online i matësit, përmes një pajisje, e cila i transmeton të dhënat nga matësi tek PDA nëpërmjet valëve bluetooth. Të dhënat dërgohen në serverin qendror, përpunohen dhe plotëson faturën, e cila printohet në çast nga PDA-ja.
Fatura ka formën e kuponit dhe përmban të gjitha të dhënat e nevojshme të konsumit. Pra, kemi një faturim në kohë reale dhe me këtë sistem inovator, e rëndësishme është se gabimi njerëzor (pra i lexuesit) është pothuajse zero %, pasi nuk do të shkruajë apo të hedhë të dhënat në PDA duke lexuar matësin dhe shtypë butona.
Tjetër risi është se PDA-të kanë të instaluar sistemin GPS (sistem lokalizimi) dhe pajisja nuk mund të kryejë veprime pa u ndezur GPS-ja, duke shmangur në këtë faturimin në distancë dhe lokalizimin e lexuesit në kohë reale, koha e tij e punës, efektiviteti, si dhe të tjera të dhëna në shërbim të përmirësimit të mëtejshëm të sistemit të matjes.
Aktualisht sistemi me PDA-të e reja funksionon vetëm me matësit elektronik, dhe OSHEE është angazhuar për t’i zëvendësuar të gjitha pajisjet e vjetra, pa asnjë kosto për konsumatorin!
Avantazhet/cilësitë
• Pajisje e re moderne
• Me buton dhe touch screen (% e gabimit është më e vogël)
• Me variantin bluetooth, % e gabimit është zero
• Shumë më fleksibël në përdorim (në krahasim me PDA-në e vjetër që përdorej me stylus pen)
• E shpejtë në transmetimin e të dhënave
• Foto më cilësore
• Të dhënat transmetohen në server, procesohen, ku më pas gjenerohet fatura për klientin, e cila dërgohet në PDA për printim
Historiku
• Deri në vitin 2009, matësi lexohej dhe të dhënat hidheshin shënim dorë në blloqe/fletore, ku natyrisht, % e gabimit ishte tejet i lartë
• Në vitin 2010, u vendosën në përdorim PDA-të, teknologji që bën të mundur transmetimin e të dhënave të hedhura nga lexuesi direkt në server.
• Në vitin 2014, teknologjia e PDA-ve avancoi duke futur si opsion detyrimin e fotografimit të matësit si dhe koordinatën e lexuesit (GPS)
• Në shtator 2016, OSHEE prezanton PDA-në e re moderne, e cila bën të mundur lexim online të matësit dhe printim në çast të faturës.
Burimi: lajmifundit.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
