Pse Bill Gates dhe Steve Jobs i rritën fëmijët e tyre pa teknologji?
Përditësuar së fundmi: 25/10/2017

Pse Bill Gates dhe Steve Jobs i rritën fëmijët e tyre pa teknologji?

Share
nga Neada Muçaj
Tet 25, 2017

Psikologët po e kuptojnë se sa të rrezikshëm janë smartfonët për trurin e adoleshentëve.

Fëmijët që e përdorin telefonin e tyre të paktën tre orë në ditë kanë më shumë gjasa për të kryer një vetëvrasje.

Kërkimet e fundit kanë zbuluar se shkalla e vetëvrasjes së adoleshentëve në SHBA tani e eklipson shkallën e vrasjeve, si pasojë e përdorimit të smarfonëve dhe rrjeteve sociale.

Dy figurat më të mëdha të teknologjisë, Bill Gates dhe Steve Jobs, rrallë i lejonin fëmijët e tyre të luanin me produktet që ata vet kanë krijuar.

Çfarë dinin ata më shumë për produktet e tyre që njerëzit e tjerë nuk dinë akoma edhe sot?

Përgjigjia, sipas një dëshmie gjithnjë në rritje, është fuqia varëse e teknologjisë digjitale.

Në vitin 2007, Gates, ish-CEO i Microsoft, përdori një metodë që limitonte kohën e përdorimit të paisjes në përiudhën kur vajza e tij filloi të fiksohej pas video lojërave. Ai gjithashtu nuk i lejonte fëmijët e tij të kishin një telefon para moshës 14 vjeçare. Ndërkohë në ditët e sotme, telefonin e parë fëmijët e marrin mesatarisht rreth moshës 10 vjeç.

Jobs, i cili ishte CEO i Apple deri në vitin 2012, zbuloi gjatë një interviste për New York Times në vitin 2011 se ai i ndaloi fëmijët të përdorin iPad-in e sapolançuar. “Ne nuk i lejojmë fëmijët tanë të përdorin teknologji në shtëpi,” tha Jobs.

Prindërit e pasur të Silicon Valley e kuptojnë fuqinë negative të smartfonëve, tabletëve dhe kompjuterave më shumë se pjesë tjetër, pavarësisht faktit se ata e sigurojnë jetesën duke krijuar dhe investuar për këtë teknologji.

Walter Isaacson, autori i Steve Jobs, në një intervistë ka treguar se: “Steve krijoi një zakon çdo mbrëmje për të ngrënë në tryezën e madhe në kuzhinë, dhe për të diskutuar për librat dhe historinë e gjëra të ndryshme.” Askush nuk kërkonte një iPad apo kompjuter. Fëmijët nuk u dukën të varur nga pajisjet.”

Për disa mund të jetë shqetësuese, por një shembull paralel mund të jetë ai i mjekëve që mundohen t’i mbajnë fëmijët e tyre sa më larg sëmundjeve pa përdorur medikamente. Po për teknologjinë? A ka një zgjidhje?

Ndoshta të gjithë duhet të përpiqemi të vendosim kufizimet tona duke mos e lejuar teknologjinë të bëhet një “sëmundje” për organizmin tonë dhe brezave në vazhdim.

/BusinessInsider