Programi i “Gatishmërisë së Investimeve”, në ndihmë të të gjithë sipërmarrësve në Ballkanin Perëndimor - Business Magazine Albania

Programi i “Gatishmërisë së Investimeve”, në ndihmë të të gjithë sipërmarrësve në Ballkanin Perëndimor


Projekti EU4TECH i Ballkanit Perëndimor sapo ka nisur programin e “Gatishmërisë së Investimeve” për sipërmarrësit ambiciozë të startup-eve, që duan ndihmë financiare për të rritur biznesin e tyre.

Në trajnimin për “Gatishmërinë e Investimeve” të EU4TECH që ka për qëllim fillimin e aktiviteteve ekzistuese dhe të sapokrijuara në Ballkanin Perëndimor mund të marrin pjesë sipërmarrësit:

  • të cilët janë të përkushtuar për zhvillimin e kompanisë së tyre;
  • të cilët kanë një produkt / shërbim të ofruar ose që janë afër ofrimit të produktit ose shërbimit;
  • të cilët janë në fazën e vlefshmërisë;
  • të cilët dëshirojnë të zgjerojnë biznesin përmes investimeve të kapitalit.

Kompanitë e përfshira në këtë program dhe që përfundojnë me sukses trajnimin e “Gatishmërisë së Investimeve” do të konsiderohen se janë gati për investime dhe do të ftohen të marrin pjesë në një ditë të plotë praktike më 24 prill, përpara se të paraqiten në një auditor të investitorëve të duhur, që kërkojnë mundësi bashkëpunimi në sektorin përkatës në Beograd, më 25 Prill 2018.

Pjesëmarrja në këtë program trajnimi është e kufizuar vetëm për 35 sipërmarrës të startup-eve nga Ballkani Perëndimor dhe afati fundit për aplikim është data 28 Shkurt 2018.

Aplikimi në këtë program bëhët nëpërmjet faqes së internetit dhe është pa pagesë, gjithashtu shpenzimet si udhëtimi dhe akomodimi mund të mbulohen për disa pjesëmarrës nga projekti EU4TECH.

Për të qenë pjesë e trajnimit ose për më shumë informacion vizitoni linkun: https://goo.gl/b2BfEt

/Aida

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.

Na Suporto
Business Mag Nr. #41 – Mars 2026

Shqipëria… e brezit që po vjen!

Arsimimi dhe edukimi janë kura që ndal çdo të keqe. Një komb i arsimuar, një komb që investon në rininë e tij, në gjeneratat që i lënë vendin njëra-tjetrës, është padyshim një komb që do të ketë prosperitet dhe stabilitet afatgjatë. Shqipëria ka ende shumë mangësi në këtë aspekt; strukturat arsimore dhe programet edukative të vjetëruara shpesh nuk i përgjigjen kërkesave të kohës dhe tregut të punës. Por diçka ka nisur të lëvizë. Reforma të reja, iniciativa private, bashkëpunime ndërkombëtare dhe, mbi të gjitha, një valë e re entuziazmi tek të rinjtë po krijojnë shenja të qarta optimizmi.

Ky edicion i revistës vë në qendër të vëmendjes pikërisht këtë frymë të re. Në kopertinë kryesore sjellim historitë frymëzuese të pesë adoleshentëve të talentuar, të motivuar, me ambicie të mëdha dhe shpirt luftarak. Ata nuk janë thjesht nxënës të shkëlqyer, por ambasadorët e vërtetë të Shqipërisë të së nesërmes, dëshmi e gjallë se potenciali ynë kombëtar është vital.

Në faqet e brendshme, Bledar Shella, kreu i  bordit të Shoqatës së Bankave të Shqipërisë, na flet hapur për të ardhmen e sektorit financiar, sfidat e digjitalizimit dhe rolin e bankave në mbështetjen e ekonomisë reale. …

See more
Follow us
0