Kompjuteri i emëruar “Apple 1” i prodhuar në vitet 1976-1977 nga themeluesit e kompanisë Apple, Steve Wozniak dhe Steve Jobs, do të shitet në ankand.
Sipas informacionit të ndarë nga shtëpia e ankandit “RR Auction” me seli në Boston të ShBA-së, kompjuteri, i cili u shit për rreth 666 dollarë në vitin 1980, ka një tastierë të integruar dhe një kuti të prodhimit të veçantë.
Ofertat e para kanë filluar të merren për kompjuterin që do të shitet më 24 gusht në ankand. “Apple 1” i nënshkruar nga Wozniak në vitin 2017 pritet të shitet për rreth 200.000 dollarë në ankand.
Krahas “Apple 1” është vënë në shitje edhe një çek banke i nënshkruar nga Jobs dhe Wozniak më 19 mars 1976. Steve Wozniak, Steve Jobs dhe Ronald Wayne themeluan kompaninë me famë botërore Apple më 1 prill 1976, në një garazh në Kaliforni.
Në vitet e para të kompanisë, Jobs dhe Wozniak ishin detyruar të shisnin disa nga sendet e tyre personale për të financuar prodhimin e kompjuterit “Apple 1”.
Nga afro 200 “Apple 1” që Wozniak dhe Jobs prodhuan në 1976-1977, rreth 175 u shitën në atë kohë. Njëri nga prototipet e “Apple 1” u shit për rreth 700.000 dollarë në vitin 2022.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
