Rreth një e katërta mundësisë së prodhimit në vend mbetet e pashfrytëzuar. Sipërmarrjet private, në prodhim apo shërbim, arrijnë të vënë në punë më pak se 75% të kapaciteteve të tyre prodhuese.
Banka e Shqipërisë bën një vrojtim periodik të bizneseve në këtë drejtim. Të dhënat e fundit tregojnë se shfrytëzimi i kapaciteteve ka pësuar një rënie, duke paralajmëruar se edhe rendimenti i prodhimit ka rënë. Edhe pse ekonomia u rrit mbi 4%, në tremujorin e parë, niveli i shfrytëzimit të kapaciteteve prodhuese ra në shumë sektorë.
Norma e shfrytëzimit në industri ra, ndaj tre muajve të mëparshëm me 1.1 pikë përqindje dhe ndaj një viti më parë 0.4 pikë përqindje. Gjthsesi me një normë shfrytëzimi në total gati 73% jemi mbi mesataren e shënuar historikisht në këtë sektor.
Në ndërtim, niveli i shfrytëzimit të kapaciteteve prodhuese ra 2.8 pikë përqindje në nivel tremujor dhe mbi 3% në një vit. Në ndërtim, shfrytëzimi i kapaciteteve për prodhim është 60%.
Shërbimet dhe tregtia arrijnë të kenë një përdorim më të lartë të makinerive dhe një nivel angazhimi më aktiv të stafit të punësuar. Në shërbime norma e shfrytëzimit të kapaciteteve është 75.5%, ndërsa në tregti 72.6%.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
