Presidentja e KE: Brenda vitit do të mbahet konferenca ndërqeveritare për Integrimin e Shqipërisë në BE - Business Magazine Albania

Presidentja e KE: Brenda vitit do të mbahet konferenca ndërqeveritare për Integrimin e Shqipërisë në BE

Integrimin e Shqipërisë

Presidentja e Komisionit Europian, Ursula Von der Leyen ka thënë se brenda këtij vitit do të mbahet konferenca ndërqeveritare për Integrimin e Shqipërisë në BE. Në një konferencë të përbashkët për shtyp me Kryeministrin Edi Rama ajo u shpreh se Shqipëria i ka bërë të gjitha detyrat, veçanërisht me reformën në drejtësi dhe e ardhmja e saj është në Bashkimin Europian.

Më pak optimist dukej Kryeministri Edi Rama, i cili tha se nuk do të cuditej sikur përsëri çelja e negociatave të shtyhej përsëri për shkak të tekave të vendeve të veçanta. Kryeministri Rama deklaroi se Shqipëria ndodhet në një situatë absurde, si një pengmarrje, si rezultat i vetos së Bullgarisë ndaj Maqedonisë së Veriut, pasi ajo ka kryer gjithçka i është kërkuar.

Von der Leyen bëri publike planet ambicioze të BE-së për të investuar 600 milionë euro në Shqipëri, duke përmendur projekte madhore, si ai i rehabilitimin të hekurudhës Tiranë-Durrës dhe Hidrocentralit të Fierzës. Si Von der Leyen ashtu dhe Rama kanë ndarë të njëjtën përqasje pozitive ndaj nismës Ballkani i Hapur (Open Balkan), duke e konsideruar si pjesë e procesit të Berlinit, i cili mund t’u sjellë veç efekte pozitive 6 shteteve ku ajo shtrihet.

Presidentja e Komisionit Europian garantoi gjithashtu edhe mbështetjen e plotë ndaj Shqipërisë lidhur me vaksinimin e popullsisë.

Lexoni: Bashkimi Europian del nga recesioni

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0