62.6 miliardë euro u tërhoqën nga Credit Suisse pas “fundosjes” së saj - Business Magazine Albania

62.6 miliardë euro u tërhoqën nga Credit Suisse pas “fundosjes” së saj

Credit Suisse ka publikuar detajet e saj financiare për tremujorin e parë të vitit, kur u rrëzua me shpejtësi. Raporti tregon se investitorët po nxitojnë të tërheqin miliarda mes thashethemeve për pozicionin e pasigurt të bankës.

Banka zvicerane Credit Suisse tha të hënën se 61.2 miliardë franga zvicerane (62.6 miliardë euro ose 68.7 miliardë dollarë) në aktive u larguan nga banka në tremujorin e parë të vitit pasi ajo u fundos me shpejtësi.

Qeveria zvicerane përfundimisht ndërhyri dhe organizoi marrjen e saj nga rivali UBS, duke përdorur ligjet e emergjencës për të shtyrë marrëveshjen dhe për të dhënë garanci shtetërore për rrezikun që do të merrte UBS.

Të dhënat treguan gjithashtu se daljet e kapitalit kishin vazhduar këtë muaj, pas marrëveshjes së shpëtimit të UBS-së.

Lexo edhe: UBS po blen Credit Suisse, në përpjekje për të ndaluar krizën bankare

Sipas bankës, daljet e aktiveve arritën në rreth 5% të të gjitha aktiveve të saj nën menaxhim. Shumica e daljeve ishin nga divizioni i saj i menaxhimit të pasurisë dhe ndodhën në të gjitha rajonet.

“Këto flukse dalëse janë moderuar, por nuk janë kthyer ende që nga 24 prilli 2023,” tha Credit Suisse.

Asetet e menaxhuara nga divizioni kryesor i menaxhimit të pasurisë ranë në 502.5 miliardë franga zvicerane në fund të marsit, krahasuar me 707 miliardë franga të raportuara për të njëjtën periudhë të vitit të kaluar. / Deutsche Welle  

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0