Delegacioni i BE-së në Shqipëri dhe Shtetet Anëtare të BE-së zhvilluan Javën e Evropës 2024 - Business Magazine Albania

Delegacioni i BE-së në Shqipëri dhe Shtetet Anëtare të BE-së zhvilluan Javën e Evropës 2024

Delegacioni i BE-së në Shqipëri organizuan Javën e Evropës 2024 me një sërë aktivitetesh që synuan promovimin dhe kremtimin e gjithëpërfshirjes, diversitetit dhe të drejtave të njeriut përmes artit, muzikës, panaireve, ekspozitave dhe paneleve të diskutimit të organizuara nga veriu në jug të Shqipërisë.

Nën moton “Evropa është këtu”, u synua të promovohej diversiteti dhe barazia përmes dialogut dhe bashkëpunimit. Ndërsa Shqipëria ecën përpara në rrugën e saj të anëtarësimit në BE, BE-ja dhe Shtetet Anëtare të saj vazhdojnë të japin mbështetjen e tyre në fushën e të drejtave themelore për ta sjellë Shqipërinë më pranë standardeve të BE-së. Java e Evropës 2024 tregoi se si BE-ja e mbështet Shqipërinë për ndërtimin e diversitetit dhe përfshirjes në mbarë shoqërinë.

Ndër të tjera Ambasadori i BE-së Silvio Gonzato gjatë konferencës së tij për shtyp për shpalljen e programit të Javës së Evropës 2024 në Shqipëri, u shpreh:

“Aktivitetet tona publike gjatë gjithë ditës në Shkodër, Gjirokastër dhe Tiranë do të jenë një mundësi për të diskutuar dhe advokuar për më shumë barazi, mosdiskriminim dhe diversitet. Këto janë vlera që kanë frymëzuar projektin e BE-së dhe mbeten në zemër të tij. Ne duam të krijojmë hapësira për angazhim dhe debat me partnerë të ndryshëm shqiptarë, të diskutojmë se si mund të nxisim një shoqëri më gjithëpërfshirëse dhe më të drejtë, ku secili ka vendin e vet dhe mund të japë kontributin e vet. “Panairet tona të BE-së në tre qytete do të mirëpresin qytetarë që duan të takojnë njerëz dhe shoqata që kanë marrë pjesë në programe të financuara nga BE-ja dhe të informohen për nismat e BE-së që promovojnë përfshirjen dhe diversitetin apo që ofrojnë mundësi për të përmbushur potencialet profesionale”.

Ndryshe nga herët e tjera, këtë vit Delegacioni i BE-së vendosi partneritet me Orkestrën Rinore të Ballkanit Perëndimor, një platformë për bashkëpunimin e muzikantëve të rinj profesionistë të vendeve të Ballkanit Perëndimor, synimi i së cilës ishte bashkimi i rinisë së rajonit. 

“Muzika bashkon, ajo ka fuqinë e jashtëzakonshme për të nxitur përfshirjen në një botë të dëmtuar nga ndarjet. Orkestra Rinore e Ballkanit Perëndimor do t’i prezantojë të gjitha këto dhe shumë më tepër përgjatë Javës së Evropës 2024 në Shqipëri. Mbi 100 muzikantë të rinj nga 10 vende evropiane do të sjellin së bashku mesazhin e bashkimit, barazisë, përfshirjes dhe diversitetit në forma të ndryshme artistike”, u shpreh Desar Sulejmani, Drejtor i Orkestrës Rinore të Ballkanit Perëndimor.

Java e Evropës nisi në Shkodër më 4 maj, në zonën e këmbësorëve të Shirokës, duke bashkuar autoritetet publike, Ekipin Evropa, trupin diplomatik, organizata ndërkombëtare dhe vendore të shoqërisë civile, qytetarë, përfaqësues të komunitetit të biznesit dhe Ambasadorët e Rinj Evropianë (ARE). Studentët e Akademisë së Arteve në Shkodër organizuan një ekspozitë me temë “Të drejtat e njeriut dhe diversiteti”, si dhe u zhvillua një panel diskutimi me përfaqësues të shoqërisë civile vendore mbi të drejtat e njeriut, diversitetin dhe gjithëpërfshirjen. Gjithashtu në Shkodër pati një performancë artistike nga “The Door”, një bandë vendore muzikantësh me nevoja të veçanta dhe një performancë artistike nga muzikantë të Orkestrës Rinore të Ballkanit Perëndimor.

Më 6 maj vijuan në Pazarin e Gjirokastrës, ku u ndërthurën zhanre të ndryshme muzikore, përmes shfaqjeve të grupeve kulturore vendase rome dhe egjiptiane dhe muzikantëve të Orkestrës Rinore të Ballkanit Perëndimor. U përurua Tregu Tradicional i Artizanatit Rom i financuar nga BE-ja dhe u organizua një panel diskutimi mbi harmoninë etnike dhe fetare të komuniteteve vendore tek Obelisku.

Në Tiranë, Java e Evropës u zhvillua në Sheshin Italia, më 9 maj, me panairin e BE-së dhe performancat e Korit Vizualisht Gjithëpërfshirës të mbështetur nga Creative Europe dhe muzikantët e Orkestrës Rinore të Ballkanit Perëndimor. Nuk munguan prezantimet e projekteve të reja të përfshirjes sociale të financuara nga BE-ja, si dhe diskutimet mbi 20-vjetorin e zgjerimit të BE-së 2004.

Panairi i BE-së “On Air” mundësoi transmetimin e drejtpërdrejtë të intervistave dhe diskutimeve mbi aktivitetet e ndryshme, klasa master, koncerte, ekspozita, prezantime projektesh gjithëpërfshirëse, përurime shkollash, nisma rinore dhe panaire artizanësh për të promovuar më tej barazinë, përfshirjen sociale dhe mosdiskriminimin, duke synuar të tregonte një kulturë të gjallë e të pasur dhe duke frymëzuar kështu ndryshimin në një shoqëri që ka vend për të gjithë.

eeas.europa.eu

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0