Pesë hapa për të motivuar punonjësit

Pesë hapa për të motivuar punonjësit


Shkruar nga Melisa Shehu, Psikologe

Për menaxherët apo drejtuesit, motivimi i punonjësve është një sfidë shumë e madhe. Të punosh për një kohë të gjatë në një punë dhe me orare të zgjatura, është shumë vështirë që të kesh sukses nëse nuk motivohesh. Pra, që një biznes të jetë i suksesshëm duhet patjetër të motivojë punonjësit e saj .

Sfida e vërtetë qëndron në faktin se çfarë i motivon punonjësit, pasi në eksperimente dhe kërkime të ndryshme që janë bërë është zbuluar që punonjësit motivohen në mënyra të ndryshme dhe një drejtues duhet të gjejë metodat e duhura për të motivuar gjithë punonjësit.

Hapi i parë: Një herë në tre muaj apliko pyetësor me temën: “Çfarë dua?” Në ketë pyetësor punonjësit shkruajnë ndryshimet, pritshmëritë, arritjet e gjithsecilit dhe atë ç’ka ato duan. Pyetësorët duhet të jenë anonimë, kështu drejtuesit marrin mesazhet e tyre me të sinqerta.

Hapi i dytë: Pasi drejtuesit kuptojnë atë ç’ka duan punonjësit, duhet të marrin masa për t’i rregulluar ato. Një nga kërkesat e tyre patjetër që do jetë rritja e pagës, ndaj duhet të paguani aq sa duhet dhe aq sa tregu i ka pagat për punët e caktuara. Kështu do plotësoni nevojat e tyre dhe nga këtu fillon motivimi.

Lexo: 7 thënie të rëndësishme motivimi

Hapi i tretë: Dhe pse në vendin tonë nuk është e përhapur si teknikë, ju duhet të jeni nga të parët drejtues të cilët duhet të aplikoni yoga, meditim para se punonjësit të fillojnë punën. Në këtë mënyrë do të ndihen më të relaksuar dhe të qetë. Organizoni seminare motivimi, ku të tregoni shembuj njerëzish të suksesshëm dhe bëjini punonjësit tuaj të punojnë me dashuri.

Hapi i katërt: Një herë në vit organizoni ceremoni, ku të shpërndani çertifikata mirënjohje për punonjësit më të mirë. Gjithashtu, duhet të organizoni festa dhe darka të shpeshta, ku punonjësit të njihen më shumë me njëri-tjetrin dhe me ju. Njëkohësisht do të ndihen dhe të motivuar.

Hapi i pestë: Krahas faktorëve që përmendëm më sipër, mundohuni që ambjentin e punës t’a bëni sa më inspirues dhe motivues për punonjësit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0