Pasuritë imobiliare, me çmime përtej arsyes - Business Magazine Albania

Pasuritë imobiliare, me çmime përtej arsyes

Pasuritë imobiliare

Sezoni veror ka sjellë një rritje të çmimit të apartamenteve në vend. Rritja më e  madhe është ndjerë në zonat periferike me 20%. Irma Meta, agjente imobiliare, shprehet se janë disa faktorë që kanë ndikuar në rritjen e vazhdueshme të çmimeve.


“Statistikat tregojnë që ka pasur nëj rritje graduale mesatarisht për një perudhë për tre vite, kryesisht për pronat për shitje, e cila varion diku tek 5 përqind. Për pronat me qera rritja është graduale. Klientët përgjithësisht i mbajnë apartamentet me qera, ndërsa vlera që rritet shkon tek 50 euro në vit.”

Tirana njihet si zona me rritjen më të madhe të çmimit të apartamenteve. Por, gjatë sezonit veror është  shtrenjtuar qeradhënia edhe në bregdetit.

“Trendin e çmimeve më të larta vazhdon ta mbajë kryeqyteti, si pasojë e zgjerimit të madh të kësaj zone dhe kërkesës së lartë. Por, në sezone të caktuara trend të lartë kanë edhe qytetet bregdetare, të cilat përfshijnë pjesën e jugut dhe veriut”, thotë ajo.

Sipas agjentes imobiliare, Tirana zë vendin e parë për çmimet më të larta po ashtu edhe për zonat më të shtrenjta. Qëndra e kryeqytit mbetet më e shtrenjta, ku së fundi, në disa ndërtime të reja çmimi është tej niveleve normale të tregut, duke shkuar në një vlerë prej 5000 euro m2.



Lexoni më tepër: Vendet që po i paguajnë njerëzit për t’u zhvendosur drejt zonave rurale

“Zonat më të shtrenjta të kryeqytetit dhe kërkesën më të lartë vazhdojnë të mbeten zona si Ish-Blloku, Myslym Shyri, Pazari i Ri si dhe zona të reja në pjesën juglinodre, që si pasojë e ndërtimit të komplekseve të reja kanë ndërtesa me kushte shumë të mira banimi”.

Një nga faktorët që ndikon në rritjen e çmimit të apartamenteve gjatë kësaj periudhe është edhe nisja e sezonit të ri shkollor. Irma Meta thotë se nëse disa nga institucionet do të ndërtohen në zona jo shumë të njohura të kryeqytetit, atëherë dhe vendosja e studentëve mund të bëhet atje për të pasur një zgjerim më të mirë të zonës.

“Fillimi i sezonit shkollor ka kërkesa të shumta dhe rrjedhimisht pronarët rrisin vlerën e pronave të tyre. Më tepër sesa rritja e një çmimi do të ishte e rëndësishme zgjerimin e zonave, ku janë universitetet”.

Pas një bllokimi total disa mujor, për shkak të tërmetit të vitit 2019 dhe pandemisë në 2020, tregu imobiliar po shënon një zhvillim të konsiderueshëm, me çmimet e pasurive të paluajtshme që kanë regjistruar rekord në qytetet kryesore të vendit. Ndërkohë, të dhënat e fundit të raportuara nga Indeksi Fischer që mat Banka e Shqipërisë tregojnë se brenda 1 viti, çmimet e banesave u rritën me 9%, ku kryeson Tirana me 12.3%.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0