Pas humbjeve të mëdha, rikthehen eksportet e energjisë


Shirat e këtyre muajve kanë nisur të kompensojnë lehtësisht dëmet e shkaktuara nga thatësira në prodhimin e energjisë elektrike. Korporata Elektroenergjetike Shqiptare ka nisur vitin me rritje eksportesh. Reshjet e ditëve të fundit dhe në veçanti ato të dëborës, po krijojnë një furnizim hidrik që pritet të zgjasë në kohë, sipas përfaqësuesve të kompanisë.

Burime nga KESH bëjnë të ditur se krahas rritjes së prodhimit, për pak ditë do të nisë edhe eksporti i energjisë.

Gjatë muajit mars, KESH ka vendosur të prokurojë shitje energjie në katër profile të ndryshme. Rreth dy të tretat e energjisë së parashikuar për t’u shitur i përket fashës orare 00:00-24:00.

Kjo është shitja më e madhe e planifikuar prej mëse një viti, ndërsa dy muajt e fundit, eksportet e energjisë kanë arritur të jenë vetëm ditore.

Vitin e kaluar KESH e mbylli me humbje. Niveli i humbjeve arriti në rreth 1.1 miliardë lekë, si për shkak të uljes së prodhimit dhe rritjes së importit. Në 2016 KESH kishte një bilanc pozitiv 1.7 miliardë lekë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale