Enea Doku, ekspert i marketingut dixhital në New Media Communications thotë për Businessmag se, rrjetet sociale nuk është çudi që ndyshojnë pasi Facebook dhe Instagram arrijnë deri në 1000 update në muaj. “Kjo vihet re nga përdoruesi edhe në ndyshimet e ndërfaqes, ndryshimet e vogla në dizajn”.
Një vit më parë ndryshoi algoritmi në facebook duke bërë që faqet e biznesit të kenë më pak arritje. Nëse një faqe ka 1000 folloëers, përmes një postimi arrin vetëm 1% të ndjekësve të faqes. Pjesa kur ti thjesht postoje diçka dhe njerëzit e shihnin, ka mbaruar. Nëse je biznes dhe je në facebook e vetmja mënyrë për t’u rritur dhe për të konkuruar është që të paguash për hapësirë reklamash. Facebook po bëhet më komercial. “Ajo që të gjithë parashikonin ishte që bizneset do të ikin nga Facebook, do të binte përdorimi i platformës. Por ndodhi e kundërta: bizneset i rritën investimet e tyre në Facebook.
Ndërkohë ajo që ndodhi para një viti me Facebook, ka ndodhur tani me Instagramin. Me përditësimin e ri, niveli i ndjekjes së një postimi ka zbritur nga 20% në 10%, duke bërë që bizneset të paguajnë më shumë për t’u shfaqur në Instagram.
Megjithatë, Instagram vijon të paraqitet si platforma më e mirë për të patur akses tek klienti. Raporti i arritjes mes Instagramit dhe Facebook është 10 me 1. Për sipërmarrësit e rinj dhe bizneset e reja apo një person që do të marrë fansa dhe ndjekje, Instagrami mbetet vendi i parë.
Enea tregon se, “mes tendencave padyshim renditet në pikë të parë rritja e reklamave dhe çmimit për t’u reklamuar në këto platforma. P.sh. çmimi i reklamës në Facebook krahasuar me dy vite më parë është rritur me 90% edhe vazhdon të rritet me të njëjtin ritëm. E njëjta gjë ka ndodhur dhe po ndodh me Instagramin, pasi janë i njëjti rrjet.
Lexo: Aksionerët e Facebook përpiqen, por nuk arrijnë të kufizojnë fuqinë e Zuckerberg
Facebook dhe Instagram janë trendi më i fundit për të marketuar veten e për të siguruar shpejt vëmendje. Por ka edhe mënyra të tjera për ta arritur tek klienti, siç janë email-et. Rrjetet socilale çdo vit nxjerrin përditësime dhe ndryshojnë. Kjo e bën të vështirë të jesh gjithnjë në majë të gjithçkaje, pasi edhe personat që i përdorin ata ndryshojnë. “Emaili ka dekada që nuk ndryshon, është shumë i qëndrueshëm dhe ka po të njëjtin efektivitet”.
Shqiptarët i hapin emaili-et shumë më tepër se shtetas të tjerë në Europë.
Sipas Eneas, në Shqipëri ekziston një farë miti që njerëzit nuk i hapin email-et, por vlerësimet tregojnë se mund të hapen nga 50% e personave të cilëve u janë dërguar, ndërsa në shumë vende europiane vetëm 10-15% e personave që marrin email e hapin atë.
E gjitha kjo ndodh për faktin që ne mendojmë se emailin mund ta hapim vetëm nga kompjuteri por kjo mund ta bëhet edhe nga celulari. Në 1000 emaile ti mund të çosh 1000 notification.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
