Një mesazh i rëndësishëm për të gjithë ata që duan të investojnë në një biznes


Shkrim nga Daniel Guçe.

Kur është fjala për fillimin e një biznesi të ri, ideja, studimi i tregut dhe financat janë kryesore për të marrë vendimin. Një ide e mirë biznesi do të thotë shumë për një sipërmarrje të qëndrueshme.

Daniel Guçe, tregon se shumë sipërmarrës ndjekin pasionet e tyre kur bie fjala për të nisur një biznes. Zhvillimi i tregut, rritja e konkurrencës, inovacioni dhe shumë faktorë të tjerë krijojnë mjedisin e duhur për zhvillimin e ideve të reja në sipërmarrje. “Shqipëria ka ende sektorë të pashfrytëzuar, por edhe mundësi financiare nga grante qeveritare apo donatorë ndërkombëtarë, për të mundësuar iniciativën e një ideje për sipërmarrje.”

Duke u bazuar në publikime të ndryshme mbi idetë e fillimit të një biznesi në vitin 2019 nga revista prestigjoze ndërkombëtare, si dhe në një studim mbi performancën e biznesit të vogël dhe të mesëm për periudhën Janar – Shtator 2018 në një anketë me 28 pyetje që i drejtohej bizneseve shqiptare, personalisht konkludoj në 6 ide biznesi, të cilat mund të konsiderohen të suksesshme për vitin që vjen.

Ne shkruajmë vazhdimisht për strategjitë më të mira në fushë e sipërmarjes, por më konkretisht Guçe jep ide për të gjithë ata që duan të investojnë në vitin 2019:

 

1. Menaxhimi i rrjeteve sociale

Rrjetet sociale përdoren gjerësisht nga kompanitë e mëdha dhe bizneset e reja. Shumë kompani po orientohen te aktiviteti i tyre kryesor. Shumë prej tyre kanë deleguar sektorin e rekrutimit (burimeve njerëzore), financën apo shërbime të tjera administrative, përfshirë dhe marketingun. Menaxhimi me cilësi i rrjeteve sociale si: Linkedin, Facebook, Instagram, etj,. si një nga aspektet më të rëndësishme të marketingut, është një kërkesë në rritje e kompanive shqiptare, të cilat nuk kanë kohë ose njohuri për t’i menaxhuar ato.

Lexoni: Gabimet e mëdha që bëjnë bizneset në Instagram

2. Sistemi i Qirave

Sektori “Guest House” i mikëpritjes apo ofrimit të strukturave akomoduese me qira po rritet vazhdimisht. Nëse jetoni në një destinacion turistik ju mund të menaxhoni me lehtësi shtëpitë e pronarëve, të cilët nuk jetojnë në to ose i japin me qira. Në Tiranë dhe Korçë ka rezultuar shumë e suksesshme dhënia me qira e dhomave të shtëpive për turistët. Përdorimi i Airbnb, gjithashtu e ka ndihmuar shumë këtë kategori, duke gjeneruar shumë të ardhura për përdoruesit. Sigurisht që sot ka dhe shumë platforma të tjera për të reklamuar shtëpitë me qira. Me pak financa mund të jetë një ide e mirë për fillimin e biznesit në 2019.

3. Udhërrëfyesi turistik (Guidat)

Turizmi sportiv sot është një nga trendet e rinisë shqiptare, por jo vetëm. Profesioni i udhërrëfyesit turistik apo fillimi i një biznesi të tillë është një ide e mirë “Start Up” për ata që jetojnë në një zonë turistike. Ju mund të mbështeteni në një sërë vendesh për të reklamuar shërbimet tuaja me kosto minimale në faqet si TripAdvisor ose Viator.

4. Ambalazhimi

Një nga problemet e produkteve shqiptare sot, që i përket standardit dhe cilësisë, është ambalazhimi i dobët. Kjo, sipas shumë ekspertëve vendas dhe të huaj, të cilët vlerësojnë apo ofrojnë konsulencën për certifikim. Prodhimi në sektorin e agropërpunimit apo bujqësisë po vjen çdo vit në rritje (ref. INSTAT) prandaj investimi në këtë sipërmarrje, të cilat kanë për natyrë ambalazhimin, mund të ishte një investim i mençur për vitin 2019.

5. Kurset online

Për shkak të pamundësisë për të ndjekur kurse profesionale apo kurse të gjuhëve të huaja gjatë apo pas orarit zyrtar të punës, shumë individë do të preferonin t’i ndiqnin online. Njerëzit gjithmonë përpiqen të mësojnë dhe zgjerojnë aftësitë e tyre duke përdorur internetin. Pra, nëse jeni një ekspert në ndonjë fushë, ju mund ti ofroni shërbimet tuaja online pavarësisht se ku jetoni. Në këtë mënyrë, kjo mund të jetë një nga idetë më të mira për fillimin e biznesit.

Lexoni: SmartED, qendra e edukimit dhe trajnimit hap regjistrimet për grupin më të ri të SAT

6. Web Development & SEO

Zhvillimi i web-it dhe bota e SEO-it është aq specifike sa individë të zakonshëm apo kompani nuk do ta realizonin dot vetëm me burimet njerëzore që kane në dispozicion, prandaj ju mund t’i shisni shërbimet tuaja si një zhvillues SEO ose web.

Për sa më sipër, si përfundim do shtoja që: Përqëndrimi i energjive të duhura me mençuri dhe strategjinë e duhur, është formulë e sigurtë suksesi. Ngritja e një biznesi në kohët e sotme, në terrene ndoshta të paeksploruara, është një garanci për të ardhura dhe punësim.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale