Një miliarder amerikan i pasurive të patundshme dhe një eksplorues i thellësive detare kanë planifikuar një udhëtim të rrezikshëm me nëndetëse për të eksploruar rrënojat e Titanikut në Oqeanin Atlantik të Veriut.
Larry Connor, manjati amerikan, dhe Patrick Lahey, aventurieri nga Ohajo dhe bashkëthemelues i Triton Submarines, kanë shpallur qëllimin e tyre për një udhëtim me nëndetëse në një thellësi prej rreth 3,800 metrash për të parë anijen e mbytur në Oqeanin Atlantik të Veriut.
Manjati amerikan ka ndërmend të shpenzojë deri në 20 milionë dollarë për të vërtetuar se mbetjet e Titanikut mund të vizitohen në mënyrë të sigurt pas incidentit me nëndetësen Titan.
Industria private e zhytjeve u trondit pasi pesë njerëz humbën jetën një vit më parë kur një nëndetëse e ndërtuar nga OceanGate shpërtheu gjatë udhëtimit për të vizituar rrënojat e Titanikut. Një zëdhënës i kompanisë së miliarderit amerikan njoftoi të martën se ekspedita do të realizohet vetëm pasi një nëndetëse të certifikohet plotësisht nga një organizatë detare, ndërkohë që ende nuk është dhënë një afat kohor për ekspeditën e planifikuar.
Nëndetësja Titan, e ndërtuar nga OceanGate, ishte bërë nga fibra karboni dhe ishte certifikuar vetëm për thellësi deri në 1,300 metra, shumë më pak se thellësia e dyshemesë së oqeanit ku ndodhen rrënojat e Titanikut.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
