Më tepër ditë pushimi për ata që nuk konsumojnë duhan - Business Magazine Albania

Më tepër ditë pushimi për ata që nuk konsumojnë duhan


Një kompani Japoneze është duke i dhënë ditë pushimi më tepër punonjësve të cilët nuk e konsumojnë duhanin. Pronari i kësaj kompanie shpreson që kjo do të jetë një strategji e burimeve njerëzore e cila do t’i frymëzojë punonjësit e tij për ta lënë duhanin. Me gjithë të drejtën, përfitimet që vijnë prej kujdesit për veten janë të dukshme.

Ndiheni më mirë, jeni më produktiv dhe në përgjithësi mund t’i shtoni gëzim punës dhe jetës suaj personale. Në firmën e marketingut Piala në Tokio, ekziston një lloj përfitimi i cili vjen prej stilit të shëndetshëm të jetesës që ju keni, veçanërisht ata të cilët nuk konsumojnë duhan, përfitojnë ditë pushimi shtesë.

Kompania këtë vjeshtë krijoi një rregull i cili i jep mundësinë punonjësve që nuk konsumojnë duhan të kenë 6 ditë pushimi më tepër në vit. Koha që i jepet pushim jo duhanpirësve është e barasvlefshme më kohën të cilën konsumuesit e duhanit shpenzojnë duke ushqyer zakonin e tyre, thuajse 15 minuta ndërprerje nga puna në ditë.

Lexoni : Puna jashtë orarit sjell vdekjen e një punonjësi në Japoni

22 % e qytetarëve japonezë e konsumojnë duhanin. Nisur nga ky fakt, por edhe sepse 35 % e punonjësve të tij janë duhanpirës pronari i Piala-s, Takao Asuka ka ndërmarrë këtë inisiativë në mënyrë që të ndikojë në reduktimin e shifrës së konsumatorëve të duhanit.

“Unë shpresoj që punonjësit të vendosin të lënë duhanin përmes stimujve, sesa nëpërmjet dënimeve apo detyrimeve” – u shpreh Takao në një intervistë për the Japan Times.

E vështirë ka qënë për 54 % të Amerikanëve të mos merrnin pushime vitin e kaluar, duke marrë parasysh se sa i duan ato pushimet, por më e vështirë kjo situatë paraqitet për Japonezët të cilët për momentin kanë një bilanc jo tepër favorizues në raportin mes punës dhe jetës. Të dhënat e 2016-ës tregojnë se 20 % e 10.000 punëtorëve japonezë punonin më tepër se 80 orë në muaj jashtë orarit të punës.

Të dhëna këto që tregojnë se ditët e pushimit për japonezët janë tepër të vlefshme dhe të nevojshme , kështuqë rregulli i vendosur nga kompania duke i dhënë 6 ditë pushimi më tepër punonjësve që nuk e konsumojnë duhanin duket të jetë tepër tundues edhe për konsumatorët e tij.

Burimi : entrepreneur.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Një lider i mirë merr më shumë faj dhe më pak lavdi.”
— Arnold H. Glasow
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0