Markat më të fuqishme në botë për vitin 2017 - Business Magazine Albania

Markat më të fuqishme në botë për vitin 2017


Lego, krijuesi i lodrave plastike me të cilat me siguri keni luajtur kur keni qenë fëmijë, është bërë marka më e fuqishme në botë. Çdo vit firma këshilluese Brand Finance publikon një listë të markave më të fuqishme dhe Lego mori vendin e parë për vitin 2017.

Lexoni: Markat më të vlefshme në botë për vitin 2017

Renditja e markave më të fuqishme sipas Brand Finance është llogaritur në bazë të tre kritereve. E para është “ekuilibri” – përmes anketimeve, konsumatorët u përgjigjen pyetjeve se cilat marka preferojnë dhe synojnë të blejnë. Dimensioni i dytë, “inputi i markës“, mat sasinë e parave që markat shpenzojnë për marketing. Sa më shumë që shpenzojnë, aq më lart renditen. Pjesa e fundit, “outputi“, shikon marzhet e fitimit dhe çmimet e një kompanie. Dy dimensionet e fundit përbëjnë 25% të vlerës së fuqisë së markës.

Business Magazine në këtë artikull ju tregon 10 markat më të fuqishme të vitit 2017.

Lego ka pasur prej kohësh themelin e një marke të fortë. Sipas raportit Brand Finance publikuar këtë muaj, “Pëlqimi ndaj Lego përfshin breza; si dhe lirinë kreative që u jep fëmijëve, marka rikthen nostalgjinë e të rriturve.” Lego gjithashtu ka shmangur marketingun gjinor, duke i dhënë asaj një bazë të gjerë klientësh.

Në vitin 2015, pasi “The Lego Movie” kishte arritur sukses komercial dhe kritik, Lego kryesonte listën e markave më të fuqishme të Brand Finance. Ajo u zhvendos për një vit nga Disney, por që atëherë ka rifituar vendin numër një. Javën e kaluar Lego lançoi një vazhdim të filmit Lego dhe shitjet e saj mundën çdo shfaqje tjetër filmi në Amerikë. Brand Finance pret që ky film të rrisë më tej markën e Lego.

Lexoni: Si mund t’i mbijetojnë markat uljes së reklamave në TV?

Google u rendit marka e dytë më e fuqishme. Ai mbetet lideri numër një në biznesin e tij kryesor të kërkimit. Këtë vit Google gjithashtu u bë marka më e fuqishme në botë, duke e hedhur Apple në vendin e dytë. Brand Finance vlerëson vlerën totale të Google në 109 miliardë dollarë.

Visa u rendit e pesta. Sipas zëdhënësit të Brand Finance, David Haigh, tregu i ndryshimeve të pagesave ka qenë një lehtësim për Visa dhe kompania është pozicionuar mirë ndërsa ne lëvizim drejt një shoqërie pa para.

Renditja sipas Brand Finance në bazë të 3 kritereve të paraqitura më sipër është:

  1. Lego
  2. Google
  3. Nike
  4. Ferrari
  5. Visa
  6. Disney
  7. NBC
  8. PwC
  9. Johnson & Johnson
  10. McKinsey & Company

burimi: Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0