Mark Cuban thotë se këto janë gabimet më trashanike që i bëjnë sipërmarrësit


Nga natyra, sipërmarrësit janë njerëz inteligjentë, pasionantë dhe ambiciozë. Por kjo nuk do të thotë se çdo pronar i biznesit merr gjithmonë vendimet e duhura.

Miliarderi i teknologjisë Mark Cuban, si një investitor për një kohë të gjatë në emisionin televiziv ABC Shark Tank, ka përjetuar shumë gabime të mëdha të sipërmarrësve.

Kuban thotë të mos i bëni kurrë gabimet në vijim.

Që të mos i kuptoni bazat e biznesit.

Një shembull konkret, thotë ai, është kur sipërmarrësit “nuk e dinë diferencën midis një produkti dhe një veçorie”. Para se një sipërmarrës të fillojë të kërkojë investim, të fillojë prodhimin e një produkti, madje edhe përpara hulumtimit dhe zhvillimit, ai/ajo duhet të kuptojë këtë princip themelor.

Me fjalë të tjera, nëse një konkurrent shet vetëm këmisha blu dhe këmishat e tua janë blu dhe të kuqe, ju thjesht keni krijuar një veçori, jo një produkt. Produktet ose shërbimet zgjidhin problemet dhe njerëzit dëshirojnë t’i blejnë ato. Veçoritë janë karakteristika që i shtojnë vlerë produkteve.

Kompanitë e suksesshme janë të bazuara në produkte – jo veçori, thotë Cuban.

Mendimi se kompeticioni është i barabartë me validimin.

Të krijosh diçka nga asgjëja nuk është e lehtë. Të bindësh njerëzit për të blerë produktet tuaja dhe se ju jeni duke ofruar një shërbim të vlefshëm ndonjëherë kërkon shumë. Cuban thotë se është një gabim i madh të mendosh se një konkurrent i madh e validon biznesin tënd.

Të bazoni suksesin tuaj në punonjësin më të mirë.

Si thënia e vjetër: Mos i vendosni të gjitha vezët në një shportë. E njëjta gjë vlen edhe për punësimin dhe ndërtimin e ekipeve.

Shumë shpesh, pronarët e bizneseve besojnë se “punonjësi i tyre i ardhshëm do të zgjidhë problemin e tyre më të madh”, thotë Cuban. Punësimi i marketer-it më të mirë në industri nuk do të thotë që ju do ta kuptoni në mënyrë magjike se si t’i shisni produktet tuaja dhe se si të gjithë do të jetojnë të lumtur, thotë ai.

Nëse punonjësi yt më i mirë largohet apo dështon, atëherë kështu bëjnë gjithë të tjerët. Rritja e një biznesi të suksesshëm kërkon që të gjithë të jenë në kuvertë, që do të thotë që i gjithë ekipi duhet të japë më të mirën-së bashku.

Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale