Maqedonia i bashkohet projektit SocialCar


Maqedonia është bashkuar me projektin ndërkombëtar SocialCar, një projekt që ka për qëllim trajtimin e një sërë problemesh, nga ndotja te ulja e kostove të transportit.

SocialCar është pjesë e Programit për Kërkime dhe Inovacion të Komisionit Europian – ‘Horizon 2020’ dhe është plotësisht i financuar nga Bashkimi Evropian.

Ideja mbrapa projektit është që përmes një aplikacioni celular përdoruesit të jenë në gjendje për të ndarë makinën e tyre të transportit. Tregu maqedonas tashmë ka vozi.me që po funksionon, një startup me qasje të ngjashme për të ndarë mjetin e tyre , por jo shumë njerëz duket se e përdorin atë.

Këto aplikacione tashmë ekzistojnë, por ndoshta më e rëndësishme është që qytetarët të fitojnë zakonin për të ndarë transportin.

“SocialCar”, do të na japë mjetet e transportit nga një vend në tjetrin duke ndarë makinën tonë me fqinjin tonë, kolegun, me njerëz nga e njëjta lagje apo udhëtim të organizuar të përbashkët në të njëjtin drejtim dhe kohë. Ky projekt mund të kontribojë në mbrojtjen e mjedisit, zvogëlimin e ndotjes dhe për të zvogëluar bllokimet e trafikut në qytetin tonë “, tha Koce Trajanovski, kryetari i bashkisë së Shkupit.

Faza e parë e projektit në Maqedoni do të jetë e përqendruar në hulumtimin e tregut, ndërsa detaje të mëtejshme do të zbulohen në të ardhmen e afërt.

SocialCar është një projekt hulumtimi dhe inovacioni që synon të asimilojë transportin e përbashkët në sistemet ekzistuese të mobilitetit me anë të algoritmeve të fuqishme të planifikimit dhe integrimin e të dhënave nga transporti public dhe transporti i përbashkët.

Projekti bashkon zhvilluesit ITS, shkencëtarët socialë dhe ekonomikë, inxhinierët e transportit dhe autoritetet publike nga Italia, Greqia, Britania e Madhe, Luksemburgu, Polonia, Zvicra, ish-Republika Jugosllave e Maqedonisë, Kroacia, Sllovenia, Holanda, Hungaria, Spanja, dhe Belgjika.

Misioni i tyre është për projektimin, zhvillimin, tesitmin dhe hapjen e një shërbimi që thjeshton përvojën e udhëtimit të qytetarëve në zonat urbane dhe zonat intraurbane.

SocialCar do të përcaktojë flukset e përpunimit të të dhënave dhe algoritmet e projektimit për të përmbushur kërkesat e udhëtimit me furnizimin e integruar të transportit publik dhe privat.

Partneriteti për më tepër do të dizenjojë arkitekturën fizike dhe logjike të shërbimit duke përdorur software ‘open source’ nën Lejën e Përgjithshme Publike GNU. Me të gjitha modulet softëare të integruar, SocialCar do të testohet në 10 vende evropiane.

 

burimi: digjitale

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale