MacKenzie, ish-gruaja e Jeff Bezos, do të dhurojë gjysmën e pasurisë së saj për bamirësi


MacKenzie Bezos ka njoftuar se do të dhurojë të paktën gjysmën e pasurisë së saj për bamirësi nëpërmjet iniciativës Giving Pledge, vetëm një muaj pasi përfundoi divorcin e saj nga themeluesi dhe CEO i Amazon, Jeff Bezos.

Të martën e kaluar, MacKenzie, 49 vjeç, e cila është tani një nga femrat më të pasura në botë, shkroi një letër që shpjegonte përkushtimin e saj ndaj kauzës, e cila inkurajon miliarderët që të bëjnë të njëjtën gjë.

Lexoni: Kush është MacKenzie Bezos? Ish-bashkëshortja e Jeff Bezos mund të bëhet gruaja më e pasur në botë

“Qasja ime ndaj filantropisë do të vazhdojë. Do të marrë kohë, përpjekje dhe kujdes, por nuk do pres më shumë.”

Giving Pledge nisi si iniciativë nga Warren Buffett dhe Bill & Melinda Gates në vitin 2010 dhe prej atëherë është nënshkruar nga më shumë se 200 individë dhe familjet e tyre, duke përfshirë themeluesin e Facebook, Mark Zuckerberg dhe bashkë-themeluesin e Airbnb, Brian Chesky.

Sipas Indeksit të miliarderëve të Bloomberg, MacKenzie ka një pasuri me vlerë rreth 36.6 miliardë dollarë (£ 28.8bn). Jeff Bezos, personi më i pasur në botë, ka një vlerë neto prej 114 miliardë dollarësh (£ 89.9bn).
Në Twitter, themeluesi i Amazon vlerësoi vendimin e ish-gruas së tij, duke shkruar: “MacKenzie do të jetë e mahnitshme, e matur dhe e vërtetë në filantropinë e saj dhe unë jam krenar për të.”

Kush është MacKenzie Bezos?

MacKenzie Bezos do të bëhet gruaja e tretë më e pasur në botë këtë vit në përputhje me kushtet e vendimit të divorcit me burrin e saj, themeluesin e Amazon, Jeff Bezos.

MacKenzie Bezos është gjithashtu një noveliste e suksesshme, e përshkruar nga autori Toni Morrison si “një nga studentet më të mira që kam pasur ndonjëherë”. Ajo u takua me Jeff Bezos ndërsa të dy punonin në fondin D.E. Shaë në Neë Yor dhe ata u martuan në vitin 1993. Ajo konfirmoi divorcin e saj në twitter, duke deklaruar se ishte, “Mirënjohëse që kam përfunduar procesin e divorcit të martesës sime me Jeff”.

Lexoni: Edhe pas divorcit Jeff Bezos mbetet njeriu më i pasur në botë

Francoise Bettencourt Meyers, trashëgimtare e L’Oréal, është gruaja më e pasur në botë, me një vlerë neto prej 53.6 miliardë dollarë, ndërsa Alice Walton e Walmart fame është e vetmja femër tjetër përpara znj. Bezos, me një pasuri prej 47.1 miliardë dollarësh.

burimi: TheIndepedent

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale