Jeff dhe MacKenzie Bezos njoftuan se janë “pajtuar” me kushtet e divorcit, ku MacKenzie do të zotërojë një pjesë të aksioneve të Amazon.
Në një tweet, Mackenzie Bezos tha se do të mbajë 25% të aksioneve të Amazon. Kjo i jep asaj 4% të kompanisë. Jeff Bezos do të mbajë kontrollin e votimit mbi të gjitha aksionet e saj dhe gjithashtu të gjitha interesat në Washington Post dhe Blue Origin, një kompani private hapësinore.
Amazon konfirmoi këtë javë se MacKenzie Bezos pritet të marrë 4% të aksioneve të përbashkëta të kompanisë me miratimin e dekretit të divorcit. Bazuar në vlerën që Amazon ka sot në treg, kjo shumë do të përkthehet në 35 miliardë dollarë.
Nëse MacKenzie Bezos i shet aksionet e saj, blerësi duhet të arrijë një marrëveshje me Jeff Bezos për t’i garantuar atij të drejtën për të votuar këto aksione sipas Komisionit të Letrave me Vlerë.
Suksesi i Amazon e bëri Bezos njeriun më të pasur në botë. Sipas Indeksit të Miliarderëve nga Bloomberg, vlera aktuale e pasurisë së tij është rreth 150 miliardë dollarë.
Në një postim në Twitter, MacKenzie Bezos tha se ajo është e lumtur që i dha ish-bashkëshortit kontrollin e votës si dhe interesat financiare në gazetë dhe kompaninë hapësinore “për të mbështetur kontributet e tij të vazhdueshme me ekipet e këtyre kompanive të jashtëzakonshme”.
— MacKenzie Scott (@mackenziescott) April 4, 2019
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English