“Learn, Network, Startup” në Startup Weekend Tirana - Business Magazine Albania

“Learn, Network, Startup” në Startup Weekend Tirana


Startup Weekend Tirana është pjesë e rrjetit ndërkombëtar Startup Weekend dhe organizohet në disa vende të botës duke respektuar të njëjtin format: 54 orë për të formuar skuadra, për të vërtetuar hipoteza, për të krijuar modele biznesi dhe për të hedhur hapat e parë në botën e sipërmarrjes. Deri në fund të aktivitetit, shumë do të kuptojnë që idetë e tyre ja vlejnë dhe të tjerë që është më mirë që t’i fokusojnë energjitë diku tjetër.

Startup Weekend Tirana do të zhvillohet në datat 9-11 Dhjetor, në orën 18:30 në Protik Innovation Center, gjatë të cilit grupet e zhvilluesve, menaxherët e biznesit, entuziastët e startupeve, gurutë e marketingut, artistët grafikë dhe ide të tjera inovative për startupe të reja formojnë ekipe rreth këtyre ideve dhe punojnë për të zhvilluar një prototip pune, demo ose prezantimi të Dielën në mbrëmje.

Në drejtim të saj do të jenë Aneida Bajraktari dhe Ergest Nako.

Përveç pjesëmarrësve (qё njihen ndryshe edhe si “Luftëtarët e Fundjavës”), eventi tërheq spikera, trajnerë, pjesëtarë të panelit që përgjithësisht janë pjesëtarë të spikatur të komunitetit të startupeve ose të njohur në fushën e teknologjisë, sponsorë të ndryshëm dhe përfaqësues të kompanive.

Anëtarët e jurisë, trajnerët dhe mentorët e këtij eventi do të jenë Ishay Potruch, një sipërmarrës dhe ekspert në investime. Ai është një fans i madh i popullit shqiptar, kulturës dhe vendit tonë dhe është entuziast për lidhjen e komuniteteve startup të Shqipërisë dhe Izraelit. Gerti Boshnjaku është CEO i Business Magazine Albania, revista e parë dixhitale me përmbajtje të orientuar nga fusha e Biznesit dhe Sipërmarrjes. Ai duke qënë një person i orientuar drejt marketingut është gjithmonë në kërkim të lidhjes dhe rrjetëzimit me persona të rinj.  Besmir Kthupi ka një eksperiencë 7 vjeçare në dizajn dhe marketing si dhe është i specializuar në fushën e dizajnit të logove, të website-ve etj. Momentalisht ai po punon si Art Director në “Le Spot Group”. Albana Veshi është e diplomuar si specialiste në Kontabilitet dhe Financë në Fakultetin e Ekonomisë. Ajo është në krye të Departamentit të Financës në “Messer” si dhe punon si konsulente finance në kompani të ndryshme. Vasken Spiru është Digital Media Content Coordinator në Programin e sipërmarrjes Swisscontact SECO dhe pjesë e Garazh. Artur Daci është themeluesi i komunitetit Zero1.al. Ai është duke eksploruar inteligjencën artificiale në mënyrë që të mund të bëjë software-in e tij të automatizuar edhe më shumë të pavarur.

Një pjesë e mirë e grupeve punojnë së bashku përtej fundjavës për ndërtimin e një startupi që funksionon në mënyrë të plotë, ndërsa një pjesë tjetër marrin me vete eksperiencën e fillimit dhe rrjetëzimin me individë që ndajnë të njëjtat aspirata.

Programi i eventit përfshin:

DITA 1: E premte 9 Dhjetor
6:30 PM Regjistrimi
7:00 PM Darka&Rrjetëzim (Ndarja e ideve, praktikimi i pitches, njohja me pjesëmarrësit e tjerë)
7:20 PM Prezantimi i trajnerëve, mentorëve dhe folësve
7:30 PM Fillojnë pitches
9:00 PM Votimi (Pjesëmarrësit votojnë për pitches më të mira)
9:15 PM Formimi i skuadrave ( Skuadrat fillojnë të formohen dhe të diskutojnë idetë)
10:00 PM Fillimi i punës (Mund të qëndroni derisa vendi do t’ju lejojë)

DITA 2: E shtunë 10 Dhjetor
9:00 AM Mëngjesi
9:30 AM Fillimi i punës
12:00 PM Dreka
1:00 PM Rifillim i punës
2:00 PM Takim me trajnerët ( Pytetje për ta. Ata janë aty që t’ju ndihmojnë)
6:30 PM Darka
7:30 PM Rifllimi i punës
10:00 PM Wrap-up (Mund të qëndroni derisa vendi do t’ju lejojë)

DITA 3: E Dielë 11 Dhjetor
9:00 AM Mëngjesi
10:00 AM Vijnë trajnerët. Mundësia e fundit për të bërë pyetje
12:00 PM Dreka
12:30 PM Takimi me trajnerët
3:00 PM Përgatitja për prezantim
4:00 PM Darka
5:00 PM Prezantimi final
7:30 PM Përzgjedhja e fituesve
8:30 PM Wrap-Up
9:00 PM Shkoni në shtëpi

Për të prenotuar biletën tuaj klikoni KËTU

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0