Në një studim të bërë për këtë çështje, nga Chidiebre Ogbonnaya, u zbulua se një pjesë e madhe e këtij stresi, buron nga presioni që menaxherët ushtrojnë mbi punonjësit. Ushtrimi i presionit në disa raste ka efekte pozitive, pasi i nxit punonjësit të japin produktivitet e të performojnë në mënyrë të mirë.
Por në disa raste, presioni i tyre mund të shkaktojë probleme, pasi mund të sjellë performancë dhe produktivitet të ulët në punë. Gjatë studimit menaxherët folën për mënyrën sesi puna në ekip funksionon në vendin e tyre të punës, nga sa anëtarët e ekipit varen nga njëri-tjetri për të bërë punët e tyre. Madje u prek edhe tema se si anëtarët e ekipit marrin vendime të përbashkëta. Menaxherët gjithashtu raportuan se si vendet e tyre të punës, u përballën në aspektet kryesore të performancës, përfshirë produktivitetin e punës, performancën financiare dhe cilësinë e produktit ose shërbimit, krahasuar me vendet e tjera të punës në të njëjtën industri.
Lexo: 5 gjërat që duhet të keni parasysh para se të shkruani librin tuaj të biznesit
Sondazhi u kërkoi punonjësve të raportojnë mbi nivelin e angazhimit të tyre ndaj organizatës, masën e presionit që ata pësuan në punë dhe sa shpesh ata ndjeheshin të tensionuar, të shqetësuar për shkak të punës.
Nga krahasimi i të dhënave, u zbulua se puna në ekip ndikon në performancën organizative dhe mirëqenien e punonjësve. Nga njëra anë, ekzistonte një marrëdhënie pozitive midis punës në ekip dhe performancës organizative, e cila u shpjegua pjesërisht nga ndjenja e angazhimit të punonjësve ndaj organizatës. Në vendet e punës ku punonjësit duhet të ndajnë përgjegjësinë për produktet dhe shërbimet specifike, menaxherët raportuan rritje të niveleve të produktivitetit dhe cilësisë më të mirë të produkteve dhe shërbimeve. Në vendet e punës ku punonjësit u mbështetën tek njëri-tjetri për të bërë punën e tyre, menaxherët raportuan se: performanca financiare ishte përmirësuar, ndërsa punonjësit shprehin një ndjenjë të rritur të angazhimit organizativ.
Pra puna në ekip rrit nivelin e kërkesave në punë dhe i bën ata të shqetësohen më shumë për punën e tyre. Por në disa raste u konstatua se puna në ekip, shoqërohej edhe nga një ndjesi e madhe ankthi. Kur ato përballen me përgjegjësinë e përbashkët, kanë më shumë gjasa të jenë të tensionuar dhe të detyruar të punojnë me orë të gjata.
Lexo: Si ta kuptoni nëse dikush është një lider i madh?
Ajo ç’ka u zbulua nga studimi, ishte se ndjenja e ankthit në punë edhe mund të mposhtet. Kjo ndodh kur punonjësit ndjejnë një ndjenjë krenarie për të punuar për organizatën, ose kur vlerësohen nga organizata. Kjo i bënte ata të ishin më të përkusthtuar dhe më pak të stresuar. Duket se angazhimi në nivele të larta, i ndihmon punonjësit të përballen me kërkesat e punës në ekip. Studimi tregoi se lidhur me kushtet e punës, më shumë se një e treta e menaxherëve, thanë se punonjësit kishin shumë larmi në detyrat e tyre, kishin një kontroll të arsyeshëm mbi ritmin e punës dhe u lejohej të kishin hyrje në vendime për përgjegjësitë e tyre të punës. Punonjësit raportuan ndjenjën se organizata kujdesej për mirëqenien e punonjësve dhe i ndihmon ata të përballojnë në mënyrë më të lehtë stresin.
Në rastet kur ekipi nuk performon mirë, menaxherët kanë mundësuar trajnimet e tyre dhe ju kanë dhënë punonjësve lirinë të ndikojnë në përgjegjësinë e tyre të punës. Por sipas punonjësve, menaxherët nuk i trajtonin me drejtësi dhe ishin më pak të sinqertë në zbatimin e premtimeve të tyre. Pengesat kryesore për performancën e ekipit, ishin marrëdhëniet e dobëta ndërmjet menaxherëve dhe punonjësve, të cilat shkaktojnë mosmarrëveshje të vazhdueshme dhe i bëjnë punonjësit të ndjehen më të stresuar në punë.
Për të arritur rezultate të larta dhe produktivitet, menaxherët duhet të marrin parasysh stresin që vjen nga puna në ekip. Kur delegojnë punë, ata duhet të sqarojnë se cilat detyra kanë përparësi më të mëdha. Në rastet kur punonjësit përballen me kërkesa të kundërta, menaxherët duhet të nxjerrin në pah fushat e mundshme të shqetësimit si: kufizimet kohore dhe rreptësinë. Në të kundërt presioni në punë do të arrijë nivele të larta dhe mirëqenia do të ulet.
Lexo: 5 teknika për të punuar me sukses me njerëz që janë të ndryshëm nga ju
Punonjësit mund të punojnë për të zhvilluar besimin me anëtarët e ekipit dhe të tregojnë vlerën që secili projekt ju sjell atyre. Ekipet shpesh vuajnë nga prezenca e konflikteve midis anëtarëve dhe kjo rrit presionin dhe mundësinë që performanca të jetë e keqe. Kur punonjësit përfshihen në diskutime të gjera, mos harroni se të gjithë kanë përgjegjësinë për të kontribuar dhe duhet të jenë në gjendje t’a bëjnë këtë lirshëm. Kjo shoqërohet me pasoja pozitive, duke përfshirë marrëdhëniet e mira ndërpersonale, moral të fortë të ekipit dhe mbështetje që ndihmon në uljen e stresit. Nëse puna ekipore bëhet siç duhet, punonjësit do të jenë më të lumtur dhe përfitimet e punës së bashku do të jenë më të qëndrueshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
