5 teknika për të punuar me sukses me njerëz që janë të ndryshëm nga ju


Ajo që të gjithë duhet të mësojmë në biznes është se si të punojmë dhe të udhëheqim njerëz që nuk janë si ne dhe nuk mendojnë si ne. Kjo është ndoshta pengesa më e madhe për suksesin që haset nga çdo pronar biznesi i ri.

Sfida juaj më e madhe mund të jenë anëtarët e familjes suaj, disa nga klientët tuaj më të mirë, ose një partner ose investitor kryesor i biznesit.

Realiteti është se bota e biznesit po bëhet gjithnjë e më shumë një hapësirë ​​globale, kështu që të gjithë ne duhet të mësojmë të kuptojmë dhe investojmë tek njerëz të brezave, kulturave, këndvështrimeve dhe përparësive të ndryshme.

Lexoni: A e njohim veten?!

Ju duhet të menaxhoni biznesin tuaj me më shumë njerëz që nuk janë si ju dhe me një grup klientësh më të larmishëm. Këtu janë disa parime kryesore që mund t’i aplikoni për të bërë këtë gjë:

  1. Ndërtoni më shumë marrëdhënie me njerëz që nuk janë si ju

Nëse i kufizoni marrëdhëniet tuaja në biznes me njerëz që janë njësoj si ju, potenciali i biznesit tuaj është i kufizuar.

Përpiquni të kuptoni personalitetin e personave të tjerë, pikat e forta dhe motivimin e tyre, përpara se të merreni me ta për çështje biznesi. Vetëm duke kuptuar së pari ndryshimet e tyre, mund të vlerësoni plotësisht atë që ata do të sjellin tek ju edhe nëse këndvështrimi i tyre për gjërat bie në kundërshtim me pikëpamjet tuaja. Mos lejoni që përqendrimi tek email-et, procedurat dhe shkëmbimet e mesazheve t’ju bindin se puna është një proces mekanik.

  1. Mos supozoni se të tjerët qëllimisht janë përsona të vështirë

Ata thjesht janë ata që janë dhe shpesh herë janë po aq të irrituar sa ju kur gjërat nuk po funksionojnë.

Ata mendojnë dhe marrin vendime bazuar në personalitetin e tyre unik, prejardhjen kulturore dhe përvojat e tyre të mëparshme. Sfida juaj është të përshtateni me ta.

Për shembull, disa njerëz janë më efektivë pasi ju flasin përmes një situate, ndërsa ju mund të preferoni të hidheni shpejt në veprim. Duke kuptuar më mirë secilin anëtar të ekipit tuaj, ju do të dini kur të dëgjoni dhe kur është koha për të vepruar.

  1. Mos u përpiqni kurrë t’i ndryshoni njerëzit – investoni në pikat e tyre të forta

Është më e lehtë për të përshtatur stilin tuaj, sesa të përpiqeni t’i detyroni të tjerët të jenë si ju. Njerëzit mund të ndryshojnë veten e tyre, nëse ju respektojnë si model të tyre dhe ndjejnë mirësjellje dhe respekt për pozicionin dhe aftësitë e tyre. Gjithmonë jini diplomatikë dhe mos lejoni që emocionet të përkeqësojnë situatën.

Shpesh rekomandohet që sipërmarrësit teknikë (logjikë) të bashkohen me një bashkëthemelues, i cili ka një perspektivë biznesi (apeli emocional i klientit). Njëra pa tjetrën është një recetë për katastrofë. Në të njëjtën kohë, secili mund të mësojë gjithmonë nga tjetri.

Lexoni: Si duhet të sillemi me kolegët

  1. Inkurajoni mosmarrëveshjet e biznesit dhe konfliktin e shëndetshëm

Inovacioni i vërtetë mund të vijë vetëm nga njerëz që mendojnë dhe i shohin gjërat ndryshe. Mosmarrëveshjet duhet të çojnë në diskutime konstruktive, të mësuarit e vërtetë dhe zgjidhje më të mira.

Sfida është të mbeteni jo gjykues, jo mbrojtës dhe të mos ndjeni nevojën për të fituar çdo argument.

Mënyra më e mirë për të qëndruar në kontroll dhe për të përfituar maksimalisht është duke bërë pyetje të hapura dhe relevante. Kjo do t’i lejojë personat e tjerë të ndiejnë se ju i respektoni ata dhe po debatoni idetë e tyre në vend që t’i gjykoni për shkak të pikëpamjeve të tyre.

  1. Mos e përgjithësoni diskutimin – qëndrojini problemit në fjalë

Shpesh është joshëse të risillni në diskutim çështje të mëparshme për të arritur në një përfudnim, por kjo qasje është e mbushur me rrezikun e përshkallëzimit të emocioneve dhe keqkuptimeve të mundshme.

Marrëdhëniet e suksesshme të punës kërkojnë përqendrim, bashkëpunim dhe dëgjim dhe shpesh përfitojnë nga qasje të ndryshme.

Këto diskutime ruajini për mbledhje më të përgjithësuara. Demonstroni para punonjësve apo kolegëve tuaj se ju mund të kuptoni ndryshimet që keni me ta dhe bashkëpunoni me ta.

Lexoni: Si të ndërtojmë një marrëdhënie pozitive me shefin dhe kolegët?

Gjithashtu diversiteti në biznes është një plus. Njerëz me vlera të ndryshme dhe këndvështrime të ndryshme nga ju çojnë në vendime dhe inovacion më të mirë, duke rritur suksesin e biznesit dhe kënaqësinë tuaj.

burimi: INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale