Sheryl Sandberg do që femrat të refuzojnë mitin se koleget femra duhet të bëhen “armike” për të shkëlqyer në vendin e punës.
COO e Facebook ka bërë një listë të të famshmëve që do ta ndihmojnë të shpërndajë një mesazh frymëzues në një video që debutoi të Enjten.
Klipi i shkurtër, në të cilin shfaqet Selena Gomez, Megyn Kelly, Eva Longoria, Kerry Washington, Serena Williams, mes të tjerash, i nxit femrat të “mbështeten te njëra-tjetra” dhe të bëhen aleate kundër rivalëve.
“Një nga pjesët më inkurajuese vitin e kaluar për mua ka qenë mbështetja e pakursyer që kam marrë prej femrave,” thotë Kelly, një prezantuese e Fox News, e cila u kritikua ashpër nga kandidati republikan për president Donald J. Trump dhe më pas u ngacmua online nga mbështetësit e tij.
Washington flet emocionalisht se si Shonda Rhimes, krijuesja e ‘Scandal’, ka influencuar në jetën e saj.
Me dëshmitë e shkurtra, por prekëse të shfaqura në video, kjo e fundit jep një rast bindës se femrat prosperojnë më mirë me mbështetje e njëra-tjetrës. Klipi shënon lançimin e fushatës më të fundit nga Lean in, organizata jofitimprurëse e Sandberg dhe komuniteti online.
“Ka kaq shumë femra që po japin kontribut me fjalën e tyre në këtë fushatë sepse kanë përfituar në radhë të parë, nga kontributi i femrave të tjera dhe e dinë se çfarë ndryshimi mund të bëjë ai,” ka thënë në një deklaratë Sandberg. “Kur ne femrat punojmë bashkë, arrijmë gjëra të mrekullushme.”
Në mënyrë që të kthejë sloganin motivues të fushatës në një realitet të vendit të punës, LeanIn.org ka pubikuar një seri këshillash se si të jesh shembull, aleate, mentore dhe e mentoruar.
Rekomandimet ofrojnë këshilla praktike, duke përfshirë atë që mund të bëni kur një femër kolege ndërpritet ose i hiqet e drejta e idesë së saj; si të ndërtoni besimin në një marrëdhënie mentorimi; dhe si të përgjigjeni kur shihni një femër që ndan opinionet e saj me një apologji. LeanIn.org gjithashtu ofron këshilla të ngjashme të përjavshme nëpërmjet mesazheve ose emaileve, dhe një serie videosh komedie që tregon se si femrat mund të mbështesin njëra-tjetrën në vendin e punës.
Partnerët shpërndarës dhe reklamues të fushatës janë Snapchat, Twitter, Google dhe patjetër, Facebook.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
