Kosova, vendi më i mirë për fillimin e një biznesi në 2019 - Business Magazine Albania

Kosova, vendi më i mirë për fillimin e një biznesi në 2019


Maqedonia është vendi me performancën më të lartë nga Europa Juglindore (SEE) në raportin më të fundit të Doing Business në 2019 të Bankës Botërore, të nxjerrë javën e kaluar.

Maqedonia renditet e 10-ta dhe Shqipëria është e vetmja nga vendet e SEE që përmirësoi renditjen e saj krahasuar me vitin 2018, sipas të dhënave të Doing Business 2019. “Republika e Maqedonisë e ka bërë procesin e lejeve të ndërtimit më pak të kushtueshëm duke ulur taksat për zhvillimin e tokës,” sipas raportit.

Lexoni: Dashuritë e Lulzim Veliut, Kosova dhe biznesi “Smart home”

Destinacioni i dytë më i mirë për të bërë biznes në Europën Juglindore është Sllovenia, e cila renditet e 40-ta, tre vende më lart nga viti i kaluar, e ndjekur nga Kosova në vendin e 44, Moldavia, 47 dhe Serbia, 48. Nga Europa Juglindore, Kosova renditet si vendi më i mirë për fillimin e një biznesi në vitin 2019, renditet e 13-ta, pasuar nga Moldavia, 14, Sllovenia, 38 dhe Serbia, 40, sipas raportit.

“Rezultatet e këtij viti tregojnë qartë angazhimin e qeverisë në shumë ekonomi, të mëdha dhe të vogla, për të ushqyer sipërmarrjen dhe ndërmarrjen private,” tha Rita Ramalho, Menaxhere e lartë e Grupit Global të Treguesve të Bankës Botërore, e cila nxjerr raportin.

Në dy apo tre vitet e fundit, “të gjitha tregjet e mëdha në zhvillim – të tilla si Kina, India, Nigeria, Afrika e Jugut, Indonezia dhe Rusia – janë në këtë axhendë,” tha Sylvia Solf, kreu i Njësisë Këshillëdhënës të Reformës së Grupit të Bankës Botërore , i cili këshillon qeveritë për mënyrat se si të përmirësojnë mjedisin e biznesit. “Fakti që ata po e bëjnë këtë është domethënës.”

Indeksi i mat reformat në 11 fusha: fillimi i një biznesi, marrja e lejeve të ndërtimit, marrja e energjisë elektrike, regjistrimi i pronës, marrja e kredive, mbrojtja e investitorëve të pakicave, pagesa e taksave, tregtimi përtej kufijve, zbatimi i kontratave, zgjidhja e pagesës së borxheve dhe rregullimi i tregut të punës.

Kjo reformë po e bën më të lehtë fillimin e një biznesi. Më shumë se një e katërta e ekonomive bënë pikërisht këtë në vitin 2017/18. Tani duhet një mesatare prej 20 ditësh dhe kushton 23% e të ardhurave për frymë për të filluar një biznes, krahasuar me 47 ditë dhe 76% të të ardhurave për frymë në vitin 2006. 13 nga 20 ekonomitë e para kanë të paktën një procedurë që mund të përfundojë online në gjysëm dite.

Lexoni: Kode Labs e Detroit blen kompaninë Kosovare të teknologjisë ZAG Apps

Doing Business 2019 është i 16-ti në një seri raportesh vjetore që matin rregullorët që rrisin aktivitetin e biznesit dhe ato që e kufizojnë atë. Doing Business paraqet tregues sasiorë mbi rregullat e biznesit dhe mbrojtjen e të drejtave të pronës që mund të krahasohen në 190 ekonomi, nga Afganistani në Zimbabve.

/digitalspoiler

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0